හසුවීම

රත් පැහැයෙන් දිලිසි දිලිසි
පහන් සිලෙහි නැළැවි නැළැවි
ඔබ ඉන්නා බව නො දන්න
මෙරුන් ඉන්නවා

නිල් තණ අග රස ගන්වන
මී බිඳු අතරේ සැඟවී
ඔබ ඉන්නා බව නොදන්න
මුවන් ඉන්නවා

මිහිරි ‍නාද රස නංවන
වෙණ නද අතරේ මුසු වී
ඔබ ඉන්නා බව නොදන්න
ඇතුන් ඉන්නවා

සුවඳ දදී මිහිර ‍බෙදන
බාඳුරාව මල ඇතුළේ
ඔබ ඉන්නා බව නොදන්න
බිඟුන් ඉන්නවා

සුන්දර අරමුණු අතරේ
ඉන්නා විට සැඟවි සැඟවි
නිකෙලෙස් උතුමන්ගෙ ඇසට
ඔබ හසු වෙනවා

- තලල්ලේ චන්දකිත්ති හිමි