ආරොග්‍ය පරමා ලාභා
සුව සම්පත හැර අන් සුව
ලොවේ කොයින්දා
අගුපිල සිහසුනෙ සිටියත්
සුවය කොයින්දා
සුවයක් නම් නැත සතහට
අරුමෙ කුමන්දා
පරම සැබෑවයි මෙය ලොව
දහම සුගන්දා
දියුණු හිනේ ඉහළ යන්න
දිව රෑ දෙක නොබලා
නිදි වරලා වෙහෙස වෙලා
අකාලෙ ලෙඩ වීලා
ගේ දොර වතුපිටි සම්පත්
සැමදේ අතහැරලා
පරලොවකට ගෙන යන්නට
කිසිවක් නැත කරලා
දිවිය පුරා උපයා ගත්
සැම සේසත පුදලා
ලෙඩ ඇඳ මත තනිවීලා
දුක සේ මිය ඇදෙනා
නිරෝග නම් මහ සම්පත
මිල කරන්න බැරුවා
මහ රහතුන් ලොව අගනා
සුව සම්පත විඳීනා
ආරොග්‍ය පරමා ලාභා
සන්තුට්ඨි පරමං ධනං
(ධම්ම පදය සුඛ වග්ග - ගාථාව ඇසුරෙනි.)
ආචාර්ය රත්නපාල වික්‍රමසිංහ
36 සී, විහාර මාවත, පැපිලියාන |
