ඕඝ තරණය

උපදින භවය සමඟින් දුක දරාගෙන
මතු භවයකට මඟ සලකුණු හදාගෙන
පියවර තබති දිවිමඟ කල් ගෙවාගෙන
සැමවිට පතමු සසරේ දුක නිමාවන

පස්පව් සැඩ රැසින් සිත් මල් මුදාගෙන
පින් සිතුවිලි සන්තානයෙ රුවාගෙන
මනු දම් ගුණ සුවඳ හද ගැබ දරාගෙන
බුදු හිමි වඳිමු හදබැති මල් පුදාගෙන

නිම් නැති තරඟ නැඟෙනා සිතුවිලි ඕඝේ
තරණය කරන්නට නම් පහුරක් ඕනේ
මගෙ සම්බුදු සමිඳු දෙසු විලසින් රාගේ
මුල් සිඳදැමූ තැන හමුවේ සුව නිවනේ

ආචාර්ය රත්නපාල වික්‍රමසිංහ
පැපිලියාන