|
 44 කොටස
සිංහල අර්ථය
“මහණෙනි, මේ ධර්ම තුනකින් යුත් පුද්ගල තෙමේ යම් සේ ගෙන එන ලද්දක් බිම හෙළන්නේ ද
එසේම නිරයෙහි උපදියි. කවර ධර්ම තුනකින් ද?
“අකුසල වූ කාය කර්මයෙන් ද, අකුසලවූ වාක් කර්මයෙන් ද, අකුසලවූ මනෝ කර්මයෙන් ද වෙයි.
“මහණෙනි, මේ ධර්ම තුනෙන් යුක්තවූ පුද්ගල තෙමේ යම් සේ ගෙන එන ලද්දක් බිම හෙළන්නේ ද
එපරිද්දෙන් නිරයෙහි වැටෙයි.
“මහණෙනි, ධර්ම තුනකින් යුත් පුද්ගල තෙමේ යම් සේ ගෙන එන ලද්දක් හෙළන්නේ ද එසේම
ස්වර්ගයෙහි උපදියි. කවර ධර්ම තුනකින් ද යත්?
“කුසල කාය කර්මයෙන් ද කුසල වාක් කර්මයෙන් ද කුසල මනෝ කර්මයෙන් ද වෙයි.
“මහණෙනි, මේ ධර්ම තුනෙන් යුත් පුද්ගල තෙම ස්වර්ගයෙහි උපදියි.
****
මෙම පාඩම සතියේ සිකුරාදා සහ ඉරිදා රාත්‍රී 08.45 ට බෞද්ධයා රූපවාහිනි නාලිකාවේ ද
(The Buddhist TV) සඳුදා සවස 03.30 ට බෞද්ධයා ගුවන් විදුලි නාලිකාවේ ද විකාශනය වේ.
ඔබට පසුගිය වැඩසටහන් සියල්ල අන්තර් ජාලයෙන් ද නැරඹිය හැකි ය. ඒ සඳහා පිවිසෙන්න.
www. the buddhist TV / Magadhi (මාගධී) හෝ kotaneluwe thero (කොටනෙලුවේ හිමි)
යනුවෙන් සොයන්න. |
