ශ්‍රී බුද්ධ වර්ෂ 2562 ක් වූ දුරුතු අව අටවක පෝය දින රාජ්‍ය වර්ෂ 2019 ජනවාරි 27 වනදා ඉරිදා

සදහම් අරණ

ලේඛන කුසලතාව වඩාත් වර්ධනය කර ගැනීම සඳහාත්, දහම් දැනුම වර්ධනය සඳහාත්, ගුණධර්ම වැඩිදියුණු කර ගැනීම සඳහාත් සදහම් අරණ ළමා නිර්මාණ පිටුව ඔබ වෙනුවෙන් වෙන්කර ඇත. ඔබගේ ගද්‍ය, පද්‍ය, සිතුවම්, අදහස් පුර අටවක අමාවක, පුර පසළොස්වක, අව අටවක. බුදුසරණ පුවත්පත්හි පළ කරන්නෙමු.

සදහම් අරණ ළමා සමාජයේ සාමාජිකයෝ

447. හේෂානී අනුත්තරා වීරරත්න
2 ශ්‍රේණිය
ශ්‍රී විමලකිත්ති දහම් පාසල - කලවාන

448. කේ. සංදීප මල්ෂාන්
10 ශ්‍රේණිය
ශ්‍රී විසුද්ධාරාමය – කළවානේගම

449. ටී. එච්. හපුආරච්චි
4 ශ්‍රේණිය
ශ්‍රී සම්බෝධි දහම් පාසල – රත්නපුරය

450. එච්. එම්. තවිරු දම්සන
03 ශ්‍රේණිය
ශ්‍රී නාගපුෂ්පාරාම දහම් පාසල - රත්නපුරය

451. එව්. එම්. එච්. බී. හේරත්
06 ශ්‍රේණිය
ශ්‍රී සුදර්මා දහම් පාසල – අම්පිටිය

අපේ පන්සල

පිය ගැට පෙළ මං නගිනව අපේ පන්සලේ
ඝණ්ටා නද රැව් දෙනවා වෙලේ බෝධියේ
පුංචි ළමෝ සුදු ඇඳගෙන පන්සල් මිදුලේ
සුදු වැලි මළුවේ පිරුවට එළුවා වාගේ

පහන් වැටිය දැල්වෙනවා හරිම ලස්සනයි
ලස්සන ඒ පහන් වැටිය සුවඳින් හැඩවෙයි
වෙලේ බෝධියේ ඝණ්ටා නද දස අත පැතිරෙයි
සාධු සාධු කියා වඳියි ධාතු මන්දිරෙයි

සඳරැස් වැටී ගං තෙර ලස්සනට පෙනෙනවා
බෝ අතුවල දැවටී එන සුළඟ දැනෙනවා
ඒ සුළඟින් ගත වගේම වෙහෙස නිවෙනවා
බෝධිය ළඟ පූජාවේ ගාථා ඇසෙනවා

එල්.ජී. බුද්ධි තනුජ සම්පත්
11 වසර ජී
රිච්මන්ඩ් විද්‍යාලය, ගාල්ල

සැරියුත් මහ රහතන් වහන්සේ

බුදුරජාණන් වහන්සේගේ දකුණත් සව් තනතුර ලැබූ සැරියුත් මහරහතන් වහන්සේ තුළ පැවැති ධර්ම විශාරදභාවය නිසා ම ධම්ම සේනාධිපති යන නමින් ද උන්වහන්සේ හඳුන්වනු ලැබී ය. උපතිස්ස නමින් ගිහි කාලයේ හැඳින් වූ මෙතුමා කෝලිත පිරිවැජියා සමඟ ම ගිහිගෙය හැරගොස් විමුක්ති මඟ සෙවීමේ නිරත වූ අතර ම, අවසානයේ අස්සජි මහරහතන් වහන්සේගෙන් ධර්මය අසා බෞද්ධ ශ්‍රාවකයෙකු බවට පත් වී බුදු සසුනේ ප්‍රඥාවන්ත ම තෙරුන් බව පත් වූහ. ගුරු ගෞරවය හා ඉවසීම, අධිෂ්ඨානශීලී භාවය, යන උදාර ගුණවලින් පිරිපුන් සැරියුත් මහරහතන් වහන්සේ තම මව ඇතුළු සියලු දෙනා මිසදිටු අදහස්වලින් මුදවා තම නිවසේ දී ම පිරිනිවන් පා වදාළ සේක.

එන්. කෞශල්‍යා යසෝදිනි නිශ්ශංක
11 ශ්‍රේණිය
එස්.ඩබ්ලිව්.ආර්.ඩී. බණ්ඩාරනායක විද්‍යාලය, වැහැර

වැඩි තෘෂ්ණාව විනාශයට මුලය

සැවැත්නුවර එක්තරා වෙළෙන්දෙක් ගැල් පන්සියයක බඩු පටවාගෙන බුදුරදුන්ට වැඳ වෙළෙඳාමේ ගියේ ය. කාන්තාරයක ගමන් කරන ඔහු ළිඳක් දැක වතුර බීමට ගියේ ය. එහි යකඩ, ලෝකඩ, මුතු, මැණික් තිබුණි, ඔහුු ඒවා පටවාගෙන ගමට පැමිණ බුදුරජාණන් වහන්සේ මුණ ගැසී විස්තරය කියා සිටියේ ය. එවිට බුදුන් වහන්සේ වදාළේ ඒ ළිඳේ විසකුරු නාගයෙක් සිටින බවත්, මුතු මැණික් ගැනීමට ගිය අය නාගයා දෂ්ඨ කොට මිය ගිය බවත් ය. එනිසා වැඩි තෘෂ්ණාව විනාශයට මුල් වන බව උන්වහන්සේ වදාළ සේක.

එස්.ඩී. ඇලපාත
5 ශ්‍රේණිය
ශ්‍රී සුචරිතෝදය දහම් පාසල, පල්ලේපොල

සිරිපා පහසයි – බුදු කරුණාවයි

පද්ම සමන් රෝස කුසුම් පිපුණු මලේ
පියමං කරයි සමනලයන් එක රෑනේ
නැහැවෙයි සුවඳ වදිනා මේ සෑම වේලේ
කවි ගොත ගොතා නගිනෙමු අපි සිරි පාදේ

බුදු කරුණාවටයි දැඩි සිත මොළොක් වුණේ
බුදු කරුණාවටයි සිත වීරිය වැඩුණේ
බුදු සිරිපාදෙටයි දණ ලාගෙන වැන්දේ
බුදු සමිඳුන්ය මගෙ ලෝකය එළිය කළේ

බී.ආර්. උමායා බණ්ඩාර
7 ශ්‍රේණිය
ශ්‍රී ඉන්ද්‍රජෝති දහම්පාසල
තල්ගමුව

දකුණත් අග්‍රශ්‍රාවක සැරියුත් තෙරුන් වහන්සේ

දඹදිව, රජගහනුවර ප්‍රසිද්ධ නගරයකි. ඒ සමීපයේ උපතිස්ස නම් වූ සුන්දර බමුණු ගමක් පිහිටා තිබුණි. එහි මහාසාර නම් බමුණු ගමක සාරි නම් වූ බැමිණියට උපන් දෙටු පුතු උපතිස්ස නමින් ප්‍රකට විය. ජීවිතය ගැන කලකිරී සිටි උපතිස්ස කුමරුට දිනක් අස්සජි තෙරණුවන් හමු වී ධර්මාවබෝධය ලැබිණි. එතැන් පටන් උපතිස්ස සාරිපුත්ත මහරහතන් වහන්සේ නමින් ප්‍රකට විය.

සෙනුරි ලක්නා බණ්ඩාර
08 ශ්‍රේණිය
ශ්‍රී ගෝතමී දහම් පාසල,
රිදීමාලියද්ද