පහන් සිතක කවි

පළමුව බුදුන් වැඩි දා

නෙක පැහැ මල් පිපී ඇත තුරු වදුළු ඉහේ
බුදු නෙත රැඳිනි මගෙ පින් බිම වෙතට මෙහේ
ලක්දිව යක්ෂ මිසදිටු දමනයට රැහේ
බුදු හිමි වැඩි සේක පෝ දින දුරුතු මහේ

චන්ද්‍රලතා හපුආරච්චි
මණ්ඩාවල

නමදිමු

බුදුන් දෙසූ බණ
අප මනසට ගෙන
නමා සිරස දණ
නමදිමු සඟ ගණ

අජිත් වික්‍රමනන්ද වීරසූරිය
ඉඹුල්ගස්දෙණිය

දුරුතු පොහෝ අසිරිය

ලද අත කේශ ධාතූන් බුදු හිමි පිදුව
හද තුටු දෙවිඳු මියු ගුණ සෑයන් සැදුව
තෙද බල පැරැණි සිරිලක චේතිය රදුව
දුරුතු පොහොය සමරයි බැතියෙන් බොදුව

කැස්බෑවේ මුණසිංහ නිශ්ශංක