සමස්ත ලංකා බෞද්ධ මහා සම්මේලනයේ බෞද්ධ සාහිත්‍ය උලෙළ
සමස්ත ලංකා බෞද්ධ මහා සම්මේලනයේ සභාපති ජගත් සුමතිපාල මහතාගේ ඇරැයුමෙන් ස්‍යාමෝපාලි
මහා නිකායේ අස්ගිරි මහා විහාර පාර්ශ්වයේ මහා නායක වරකාගොඩ ධම්මසිද්ධි ශ්‍රී
පඤ්ඤානන්ද ඤාණරතනාභිධාන මහා නා හිමියන්ගේ මූලාසනයෙන්, බුද්ධ ශාසන අමාත්‍ය ගාමිණී
ජයවික්‍රම පෙරේරා මහතාගේ ප්‍රධානත්වයෙන් සහ උසස් අධ්‍යාපන හා සංස්කෘතික කටයුතු
පිළිබඳ අමාත්‍ය ජනාධිපති නීතීඥ ආචාර්ය විජේදාස රාජපක්ෂ මහතා ඇතුළු ප්‍රභූවරුන්ගේ
සහභාගිත්වයෙන් බෞද්ධ සාහිත්‍ය උලෙළ 2018 සැප්තැම්බර් මස 14 වන දින බණ්ඩාරනායක
අනුස්මරණ ජාත්‍යන්තර සම්මන්ත්‍රණ ශාලාවේ ලෝටස් ශාලා පරිශ්‍රයේ දී පැවැත්විණි.
ගිහි පැවිදි විද්වතුන්ගේ උදාරතර සේවාව නිසා ම බෞද්ධ සාහිත්‍ය අඛණ්ඩව පවත්වාගෙන
එන්නට හැකියාව ලැබී ඇත. එවන් වූ දීර්ඝ විකාශයක් ඇත්තා වූ බෞද්ධ නිර්මාණවේදීන්
ඇගැයීම වෙනුවෙන් සමස්ත ලංකා බෞද්ධ මහා සම්මේලනය 2007 වසරේ දී අවධානය යොමුකරන්නට
විය. එවකට මෙන් ම වර්තමානයේ ද සභාපති පදවිය හොබවන ජගත් සුමතිපාල මහතාගේ සංකල්පයක්
මත ‘බෞද්ධ සාහිත්‍ය මහෝත්සවය’ ප්‍රථම වරට නිර්මාණය විය. 2009 වසරේ බෞද්ධ සාහිත්‍ය
උත්සවය පැවැත්වූයේ සැප්තැම්බර් මස 15වන දින බණ්ඩාරනායක අනුස්මරණ ජාත්‍යන්තර
සම්මන්ත්‍රණ ශාලාවේ දී ය. බෞද්ධ කටයුතු දෙපාර්තමේන්තුවේ ප්‍රකාශනයක් වූ මහාචාර්ය
කුසුමා කරුණාරත්න මහත්මිය විසින් රචිත ‘බුදු දහමෙන් ඔප් නැංවෙන බෞද්ධ සාහිත්‍ය’
නමැති ග්‍රන්ථය එළි දැක්වූයේ මෙහිදී ය. මෙම උත්සවයේ දී ආචාර්ය බෝදාගම චන්දිම හිමි,
කිරම විමලජෝති හිමි, වේරගොඩ සාරද හිමිවරුන්ටත් සාහිත්‍ය ප්‍රකාශන වෙනුවෙන් සිදු කළ
සේවාව උදෙසා ගෞරව ප්‍රසාද ප්‍රණාම පූජාව සිදු විය.
ඊට අමතරව හොඳම බෞද්ධ නවකථාව, හොඳම බෞද්ධ පද්‍ය ග්‍රන්ථය, හොඳම බෞද්ධ කෘතිය, හොඳම
බෞද්ධ ශාස්ත්‍රීය ග්‍රන්ථය, වශයෙන් වියත් විනිශ්චය මණ්ඩලයක් විසින් නිර්දේශ කළා වූ
නිර්මාණ රැසකට සම්මාන ප්‍රදානයන් ද සිදු විය. මෙලෙසින් දොළොස් වසරක් පුරා සාහිත්‍ය
නිර්මාණකරුවන්ගේ ඇගයීම් සම්මාන ප්‍රදානයන් සිදු කරමින්, බෞද්ධ සාහිත්‍ය මහෝත්සවය
පවත්වාගෙන එන්නට ශක්තියක් වූ මෙහි නිර්මාතෘ බොදු සමුළුවේ වත්මන් සභාපති ජගත්
සුමතිපාල මහතාටත් ඊට ශක්තිය දුන් සැමටත් කෘතවේදීත්වය හිමි විය යුතු ය. |
පසෙලාස්වක
අව
අටවක
අමාවක
පුර
අටවක