|
ගින්නකි රාගය
රාග සිතේ මෝහය විත් වෙළෙන්නේ
රාගය ළඟ හිරිමල් පොඩි තැලෙන්නේ
රාගය මෙලොව තිරිසන් ගති පාන්නේ
රාග සිතට නිරයේ දොර ඇරෙන්නේ
බුදු හිමියන් නැත රාගය අගය කළේ
රාග, ද්වේශ, මෝහය හිමි සිඳ දැමුවේ
හිමි ගත් මඟ යන්නයි හිමි දම් දෙසුවේ
බාධකයකි රාගය යන මඟ නිවනේ
ප්‍රියංගිකා පෙරේරා
ඊශ්‍රායලයේ සිට
දම් ඔසුව
තිලෝගුරු
බුදු පියාණන් වහන්සේගේ
ශ්‍රී සදහම් ඔසුවෙන්
ඉපදීම නමැති
බියකරු රෝගයන්
සසර වසන තුරු
විඳවීමට සිදුවන
ජරා, ව්‍යාධි, මරණ
විෂ බීජයන්
සදහටම විරේක වනු ඇත
වි. ජ. මු. ජයතිලක බණ්ඩාර
වික්‍රමසිංහපුර
මිනිස් භවය
මහ දිග සසර ගමනේ දී භව සරන
දහමක පිනෙන් මිනිසත් භවයක් ලැබුණ
පහකර ගුණ දහම් යහමඟ මඟ හරින
රහකර පවෙහි ගිලෙනුයෙ ආ මඟ නොදැන
බුදු බණ සරණ සමයක සිය උපත ගෙන
පිදු යස අඟ පසඟ ඉන්ද්‍රිය නොඅඩු වුණ
කුදු මහ සතුන් අතුරින් ඉහළින් තැබුණ
සිදු කර ගන්නෙ එනමුත් විපතම නොදැන
විශ්‍රාමික පරිවේණාචාර්ය
පී. බී . ගුණරත්න
සුමනතිස්ස පිරිවෙන, දෙහිවල |
