 |
ශ්‍රී බුද්ධ වර්ෂ 2562 ක් වූ පොසොන් පුර අටවක පෝය දින රාජ්‍ය වර්ෂ 2018 ජුනි 20 වනදා බදාදා |
|||||
|
||||||
|
©
2000 - 2018 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම |
||||||
|
|
ශ්‍රී බුද්ධ වර්ෂ 2562 ක් වූ පොසොන් පුර අටවක පෝය දින රාජ්‍ය වර්ෂ 2018 ජුනි 20 වනදා බදාදා |
|||||
|
||||||
|
©
2000 - 2018 ලංකාවේ සීමාසහිත එක්සත් ප‍්‍රවෘත්ති පත්‍ර සමාගම |
||||||
බුදුදහම මෙරටෙහි ස්ථාපනය වූ තැන් පටන් ජාතික, ආගමික, සාමාජික, අධ්‍යාපනික,
දේශපාලනික යන සියලු අංශවලම ප්‍රගමණය කෙරෙහි බලපෑවේ බුදුදහම සහ එමඟින් ගොඩනැගුණු
බෞද්ධ සංස්කෘතිය යැයි පැවසීම අතිශයෝක්තියක් නොවේ. මේ නිසා බෞද්ධ ජනතාව සහ අතීත
රාජ්‍ය පාලකයෝ ජාතියේ මුරදේවතාවුන් වහන්සේලා ලෙස මෙරටෙහි මහාසංඝරත්නය පිළිගෙන
උන්වහන්සේලා කෙරෙහි අප්‍රමාණ ගෞරවයකින් කටයුතු කළා පමණක් නොව උන්වහන්සේලාගේ
උපදේශකත්වය යටතේ මෙරට බෞද්ධ රටක් ලෙසම සුරක්ෂිත කර ගන්නටද උත්සුක වූහ. එහි එක්තරා
ප්‍රතිඵලයක් ලෙස වර්තමානයේ ද ඒ ඒ ප්‍රදේශවල පවතින විහාරස්ථාන කේන්ද්‍ර කොටගෙන
මෙරටෙහි මහාසංඝයා වහන්සේ එම ප්‍රදේශවල මහජනතාවගේ ආගමික සංවර්ධනය පමණක් නොව ආර්ථික,
සාමාජික, සංස්කෘතික සංවර්ධනය උදෙසා ද පරෝපකාරීව විවිධ ක්‍රියාමාර්ග අනුගමනය කරති.
කන්ද උඩරට පිහිටි එබඳු එක් විහාරස්ථානයක් ලෙස තලාතුඔය, පින්නගොල්ල, ශ්‍රී
සද්ධර්මාරාමය හැඳින්විය හැකි ය. එම විහාරස්ථානය මුල් කොට ගෙන එහි වත්මන්
විහාරාධිපති හඟුරන්කෙත සද්ධානන්ද හිමියෝ ප්‍රදේශයේ ගිහිපැවිදි උතුමන් පිරිසක්
සම්බන්ධ කොට ගෙන විහාරස්ථානයේ පමණක් නොව හාත්පස ප්‍රදේශයේම මහජනතාවගේ ජාතික, ආගමික,
සාමාජික සංවර්ධනය උදෙසා විවිධාකාර ක්‍රියාමාර්ග අනුගමනය කරන බවත්, ඒ වෙනුවෙන්
විවිධාකාර වැඩ සටහන් සංවිධානය කරන බවත් අප හොඳින් දන්නා කරුණකි. ඒ සඳහා එම
විහාරස්ථානයේ මෑත කාලයේ වැඩ සිටි භික්ෂූන් වහන්සේලා කීපනමක් ද ගිහි භවතුන්
කීපදෙනෙක්ද මහත් වූ මඟපෙන්වීමක් සිදුකළ අතර ඉන් පරිභාහිරව එම හාත්පස ප්‍රදේශයේම
සංවර්ධනය සඳහා ගිහි පැවිදි උභය පක්ෂයේ පිරිසක් වර්තමානයේ ද සුවිශාල කාර්ය භාරයක්
ඉටු කරති. එම සියලු දෙනාගේ ම ආධාර උපකාර සහ මඟපෙන්වීම ආදිය වත්මන් විහාරාධිපති
හඟුරන්කෙත සද්ධානන්ද හිමියන්ට සහ විහාරස්ථානයේ දායක කාරකාදීන්ටද එම ප්‍රදේශයේ
සංවර්ධන කටයුතු සිදු කරන්නට මහත් පිටිවහලක් වූ බවද වෙසෙසින් සඳහන් කළ හැකි ය.
මෙම වසරේ ජුනි මස 30 වන දින තලාතුඔය, පින්නගොල්ල, ශ්‍රී සද්ධර්මාරාමයේ දී කෘතෝපහාර
පිණිස මහෝත්සවයක් පවත්වන බව දන්වන්නේ ඉතා සතුටිනි. මෙහිදී බූටාවත්ත, පුරාණ
විහාරාධිපතිව වැඩ සිට, අපවත්වී වදාළ බූටාවත්තේ රතනජෝති මහා ස්වාමින්ද්‍රයාණන්
වහන්සේගේ 31 වන ගුණ සමරු මහ පින්කමට සමගාමීව මැලේසියාවේ ප්‍රධාන සංඝ නායක බූටාවත්තේ
සරණංකරාභිධාන නායක මහාස්ථවිර පාදයන් වහන්සේගේ හා බූටාවත්ත, පුරාණ විහාරාධිපති මෙන්
ම තලාතුඔය පින්නගොල්ල, ශ්‍රී සද්ධාර්මාරාම විහාරාධිපති, හඟුරන්කෙත සද්ධානන්ද
මහාස්ථවර පාදයන් වහන්සේගේ සේවාව ඇගයීම ද ප්‍රශංසාවට ලක්විය යුතු කරුණකි.
ඓතිහාසික කන්ද උඩරට පාත හේවාහැට බූටාවත්ත පුරාණ විහාරාධිපතිව වැඩ වෙසෙමින් ආගමික
ජාතික වශයෙන් මහඟු සේවාවක් සිදු කොට වසර තිස් එකකට පෙරාතුව අපවත් වී වදාළ බූටාවත්තේ
රතනජෝති හිමියන්ගේ ගුණානුස්මරණය කිරීම, දැනට බූටාවත්ත පුරාණ විහාරයේ
විහාරාධිපතිත්වය දරමින් අගනා සේවාවක් සිදු කරන පාත හේවාහැට ශාසනාරක්ෂක බලමණ්ඩලයේ
හිටපු ලේඛකාධිකාරී හඟුරන්කෙත සද්ධානන්ද හිමියන්ගේ හා උපන් ගමට රටට ඉමහත් කීර්තියක්
අත් කර දෙමින් දේශීය හා විදේශීය වශයෙන් ආගමික ජාතික විශාල සේවයක් සිදු කරන
බූටාවත්තේ සරණංකර නා හිමියන්ගේ අනගි සේවාව අගය කරමින් උපහාර පිදීම අරමුණු කරගෙන
කෘතෝපහාර පුණ්‍යෙීත්සවයක් පැවැත්වීම අගය කළ යුතු සත් පුරුෂ ක්‍රියාවකි. බූටාවත්තේ
රතනජෝති හිමියන් බූටාවත්ත පුරාණ විහාරස්ථානය කේන්ද්‍රකරගෙන දහම් පාසල්, ළමා නිවාස,
සමිති සමාගම් ආරම්භ කර ගම් වැසි ප්‍රජාවගේ ආගමික සාමාජික උන්නතිය සඳහා වටිනා සේවයක්
කරමින් දේශීය වෛද්‍යවරයකු නක්ෂත්‍රඥයකු වශයෙන්ද මෙහෙවරක් සිදුකළ යතිවරයාණන් කෙනෙකි.
එමෙන්ම ශාසනයේ චිරස්ථිතිය වෙනුවෙන් වෙලේගම්මැද්දේ විමලජෝති නාහිමි, හඟුරන්කෙත
සද්ධානන්ද හිමි ආදී ශිෂ්‍යවරයන් සසුනට දායාද කළ සංඝ පීතෘවරයාණන් කෙනෙකි. බූටාවත්තේ
සරණංකර නා හිමියන් හඟුරන්කෙත සද්ධානන්ද හිමියන් වත්මන් තරුණ භික්ෂූන් වහන්සේලාට
ආදර්ශයට ගැනීමට තරම් අගනා ලෝක ශාසනික මෙහෙවරක් සිදු කරන බුද්ධ පුත්‍රයන් වහන්සේලා
දෙනමකි. උන්වහන්සේලාට උපහාර පිදීම තව තවත් උසස් සේවාවන් සිදු කිරීමට දිරිමත්
කිරීමකි. පිදිය යුත්තන් පිදීමේ වටිනා සත්පුරුෂ පින්කමකි. බූටාවත්තේ සරණංකර හිමියන්
හා හඟුරන්කෙත සද්ධානන්ද හිමියන්ට අපි ද මෙත් සිත් පූර්වකව ආශිර්වාද කරමු.
මහනුවර පාතහේවාහැට, තලාතුඔය නගරයේ සිට කිලෝමීටර් 1 1/2 ගිය විට මෙම පින්නගොල්ල
ග්‍රාමය හමුවේ. හේවාහැට කොටසේ පාර්ලිමේන්තු තරුණ මන්ත්‍රීවරයෙකු වශයෙන් සිටි අනුර
ඩැනියෙල් මහතා විසින් එවකට මෙම ඉඩම් කොටස මහජනතාව වෙත බෙදා දී ඇත. ගම්වැසියන්ට
ආගමික වතාවත් කර ගැනීම පිණිස විහාරස්ථානයක අවශ්‍යතාවය තදින් බලපා ඇත. එවකට බූටාවත්ත
පුරාණ විහාරස්ථානයේ වැඩ සිටි හඟුරන්කෙත සද්ධානන්ද හිමියන්ට ආරාධනා කොට ගමේ පොදු
කටයුතු සඳහා පැවති ශාලාවක පළමු වස් වැසීමේ කටයුත්ත සිදුකර විහාරස්ථානය ආරම්භ කර
කෙටි කාලයක් තුළ දී ශ්‍රී සද්ධර්මාරාමය අංග සම්පූර්ණ විහාරස්ථානයක් බවට පත් කරලීමට
වර්තමානයේ හැකියාව ලැබුණේ සද්ධානන්ද හිමියන්ගේ දක්ෂතාව නිසාත් අප්‍රතිහත ධෛර්යය
නිසාත් බව ප්‍රකාශ කිරීමට ලැබීම සතුටට කරුණකි. මේ කාලය වන විට සති පිරිත් කිහිපයක්
පවත්වා ඇති අතර කුඩා ගම්මානයක් වුවද දර්ශනීය අංග සම්පූර්ණ විහාරස්ථානයක් බවට පත්ව
තිබීම ගිහි පැවිදි කාගේත් ප්‍රසාදයට පත්වීමට හේතු වී ඇත.