සදහම් මහ ගඟ

දරණාගම ගමින් ගැලූ
කුසලධම්ම හිමි දම් ගඟ
පිරුණාවූ කෙලෙස් ගින්න
සැමදෙනාගෙ සිතේ රැඳුණු
නිවූ මහත් මෙත් දිය කඳ
සිඳී ගියා නොසිතූ ලෙස
තම සැප ගැන මොහොතක්වත්
නොසිතා අන් අයගෙ දුකට
පිහිට වන්න දිවි කැපකළ
ඒ උත්තම සඟ රුවනට
වඳිමි බුදුන් වඳිනා ලෙස

එච්.චන්ද්‍රදාස,
නායකැලේ
කලගන්වත්ත

සුපටිපන්නෝ

පිරුණු සිල් ගුණයෙන්
ලොව බබළවන ක්ෂණයෙන්
ප්‍රතිපත්ති පුරමින්
සිටී අප මහ සඟන බැතියෙන්
සඟ රුවනකට ඇති
පිරුණු නව විඳ ගුණැති
පුද දෙමින් කර බැති
දොහොත් මුදුනේ තබා වඳිති

මාතලේ සුජාතා සිල්මාතාව

නිවැරැදි සිහිය

ජීවිතය සැරිසරමින් සිටින්නට
“සීලය” අවැසිවේ කරනා වැඩවලට
නිවැරැදි සිහිය අවැසිය වේ සැපතකට
පරලොව ගමන නොමුළාවෙන් යවන්නට

පාලිත බණ්ඩාර ජයකොඩි
මොලගොඩ
කෑගල්ල

ලෝ සතට ආලෝකය

දහම් පිපාසය දැනෙනව දැන් අපට
ජයකොඩි දාමු සම්බුදු හිමිගේ ගුණට
සිදුහත් කුමරු ජනිතව මේ ලොවට
දෙසුවේ දහම බුදුවී සත්වග සැපට

දුක දුරු කරන මග පෑ සෑසි රජිදු
රුදුමරසෙන් දමනය කළ මුනිඳු
බව දුක දැනී සසර එතෙර වු සමිඳු
සව්ලෝ සතට ආලෝකය බුදු රජිදු

අජිත් වික්‍රමනන්ද වීරසූරිය
මොරගොල්ල
ඉඹුල්ගස්දෙණිය