කංචුක සහ අටපිරිකර දහසක්
රුවන්වැලි මහ සෑයට පූජා කිරීම 30 වන දා
උදුලා පීරිස්
ඓතිහාසික රුවන්වැලි මහ සෑ රදුන් වෙත කප්රුක් (කංචුක) දහසකට ආසන්නව සහ අටපිරිකර
දහසකට අධිකව පූජා කිරීමේ මහා පුණ්‍ය කර්මයක් මාර්තු මස 30 වන දින සවස 3.00 ට
අනුරාධපුර සඳහිරු සෑය අභියසින් ආරම්භ කෙරේ. මහා පින්කම නුවර කලාවියේ ප්‍රධාන සංඝ
නායක, ස්වර්ණමාලී මහා චෛත්‍යාරාමාධිකාරී, පල්ලේගම හේමරතන නා හිමියන්ගේ
අනුශාසකත්වයෙන් සහ සෑම විහාරස්ථානයකටම චෛත්‍ය රාජයාණන් වහන්සේ නමක් ඉදිකරදීමේ
සංකල්පයේ නිර්මාතෘ චෛත්‍ය රාජයාණන් වහන්සේලා දෙසිය පනස් එකක් (251) ක් ශාසනයට පූජා
කිරීම වෙනුවෙන් පුරෝගාමීත්වය දැරූ කුරුණෑගල, පොතුහැර, ජානක සී. සේනාධිපති මහතාගේ
ප්‍රධානත්වයෙන් සිදු කෙරේ. ශ්‍රී ලංකා පොලීසියේ සහ යුද හමුදාවේ සහ ජානක සේනාධිපති
සංවිධානයේ සහාය ඇතිව සිදුකිරීමට යෝජිත එම පුණ්‍ය කර්මය සඳහා කප්රුක් පැළඳවීමට
කැමැති පින්වතුන් වෙතොත් සුදුවතින් සැරසී තම තමන් විසින් යාර 303 ක් වූ සිවුරු
පාටින් යුත් කප්රුක් පමණක් සඳහිරු සෑය අසලින් ආරම්භ කෙරෙන පෙරහර වෙත ගෞරවාන්විතව
වඩමවාගෙන එන ලෙස ද ජානක සේනාධිපති මහතා ඉල්ලා සිටී.
පසුදින පාන්දර 6.00 ට රුවන්වැලි මහා සෑය හා ශ්‍රී මහා බෝධීන් වහන්සේ වෙත කිරිපිඬු
පාත්‍රා දහසක් පුජා කිරීමේ පුණ්‍ය කර්මයක් සිදු කිරීම සහ 6.30 ට සංඝයා වහන්සේලා 250
ක් උදෙසා සාංඝික දානමය පින්කමක් පැවැත්වීමට ද දවල් ස්වර්ණමාලී සෑරදුන් හා ශ්‍රී මහා
බෝධීන් වහන්සේ වෙත ව්‍යංජන 32 ක් සහිත දානය පූජා කිරීමට ද සංවිධායක මණ්ඩලය කටයුතු
යොදා ඇත. |
