අපිත් වඳිමු මුනි සිරිපද සාදු කියාලා

සකි සඳ පෙනේ සමනොල ගිරි පෙදෙසින්නේ
සාධු සාධු සාධු හඬයි දසත ඇසෙන්නේ
අත්වැල් බැඳගෙන සැම දෙන පේලි සැදෙන්නේ
කිරි කෝඩුයි දඬු කෝඩුයි පෙරටු කරන්නේ

සතියක් පේවී සුදු පිරුවටයෙන් සැරසීලා
තෙල් මල් සඳුනුත් ඔලොගුව ජයට පුරවලා
සුමන සමන් දෙවිඳුන්ගේ පිහිට පතාලා
කරුණාවයි සිරිපද නමදිමු එක් වීලා

සමන් දෙවිඳු පිහිට පතා පඬුරු දමන්නයි
සීත ගඟුලෙ නා පිරුවට ගත දවටන්නයි
තුන් සරණේ ගුණ සිහිකර හෙලේ නඟින්නයි
කරුණාවයි සම්බුදු ගුණ මෙනෙහි කරන්නයි

උඩමළුවේ සිරිපද මත නළල හොවාලා
වඳිමු බැතින් තුන් සරණේ ගුණ සිහි කරලා
සසර ගමන් මඟ කෙටි වී නිවන පතාලා
අපිත් වඳිමු මුනි සිරිපද සාදු කියාලා

හිරුක වත්සිළු හපුආරච්චි
ගලහිටියාව මධ්‍ය විද්‍යාලය
7 වසර ජී,

සම්බුදු තෙමගුල

පී.ටී. නෙත්මි ඉරේෂණ
කිරුළපන ශ්‍රී සෝමානන්ද ධර්ම විද්‍යාලය
10 ශ්‍රේණිය