කදුරුගොඩ විහාරය

යාපනයේ, චුන්නාකම්හි (හුණුගම) පිහිටි කන්දරෝඩේ හෙවත් කඳුරුගොඩ විහාරයේ අතීතය බුදුරජාණන් වහන්සේ ජීවමානව වැඩ සිටි සමය දක්වා දිව යයි. ක්‍රි.පූ. 6 වැනි සියවසේ බුදුරජාණන් වහන්සේ නාගදීපයට වැඩම කොට චූලෝදර මහෝදර රජවරුන් අතර පැවැති නොසන්සුන්තාවය සමථයකට පත්කිරීමෙන් අනතුරුව මෙම ස්ථානයට වැඩම කොට මොහොතක් විවේක සුවයෙන් ගත කළ බැව් ජනප්‍රවාදයෙහි එයි. 1917 දී එවකට යාපනයේ දිසා විනිසුරු වශයෙන් සේවය කළ ආචාර්ය පෝල් ඊ පීරිස් මහතා විසින් කදුරුගොඩ පුදබිමෙහි ඓතිහාසික හා පුරාවිද්‍යාත්මක වටිනාකම සම්බන්ධයෙන් පුරාවිද්‍යා බලධාරීන් වෙත ලිඛිතව දැනුම්දීමෙන් පසු 1917 සිට 1919 දක්වා මෙහි කැණීම් සිදුකර ඇත. එම කැණීම්වලදී සොයාගත් පුරාවස්තූ අතර බුදුපිළිම, වර්ණාලේපිත උළු කැබලි හා කාසි තිබී ඇත. ඒවා අනුරාධපුර හා පොළොන්නරු යුගවලට අයත් බැව් අනාවරණය වී තිබේ. එසේම එම පුරාවස්තු 1 වැනි පැරකුම්බා ලීලාවතී සහ බුවනෙකබාහු යන රජවරුන්ගේ යුගවලට අයත් බවද සොයාගෙන ඇත.

ඉතිරිය»