![](z_p00-bg-MunisiripaWandana.jpg)
ඉර සේවය
![](z_p29-Ira.jpg)
රත්නපුර ශ්රී බෝධිරාජාරාමයේ
සහකාර අධ්යාපන අධ්යක්ෂ
රත්නපුර දිසා පාලක
මාවෙල සුමන හිමි
බැලූ බැලූ අත වළා සුදු පාටට පාවේ
සළු පෙරවූවා මෙනි අසිරිය සිරියාවේ
අලුයම පතුල වැඳ දක්වා හිරු සේවේ
මුළු ලොව එයින් පසුවයි හිරු රැස් නෑවේ
පහළින් පෙනෙන සිතිජය තෙක් නිලාවේ
වහගත් කඳු සිකර සුදු පෑ වළාවේ
දහසක් බුදුන් බුදුවන මේ වෙලාවේ
අහසට හිරු නැඟී ගවුරව කලාවේ
කිරි සාගරෙන් සැනහී පිරිසුදුව හිඳ
ගිරි හෙල් සුදෝ සුදුවට උඩු වියන් බැඳ
සිරි පා පත්මයට හිරු දෙවි කරන පුද
සිරියාවක් මැවේ එය අන් තැනෙක වෙද
සුවදායක සිසිල් නල වැල් අතර රැඳී
පවසන අසිරිමත් ආලෝකයකි රිදී
නුවණට අදහගනු බැරි ලෙස සිරිය දිදී
දවසේ මුලින් හිරු සිරිපා පියුම වඳී
නිම් නැති සෙනඟ වැල කඳු මුදුනට ගාටයි
සුමන සමන් දෙව් කරුණාවයි පිහිටයි
හැම කඳු සිකරයකම සිල් අරගෙන පාටයි
මෙම අදහස වඩාමත් සැදැහැති පාටයි
පහතින් පෙනෙන කඳු මීදුම පටල් යට
වහගෙන සොබාවික අසිරිය මවන කොට
මහගිරි දඹේ පසු කරමින් නගින විට
සහනය ලැබෙන වදනින් කිව නොහැක මට
එක් පැත්තකින් එන සීතල සුළඟ වඳී
රොක් වෙයි සෙනඟ ගඟ කිසිදා නොයන සිඳී
නික්මී ළහිරු තෙවිටක් සිතිජයෙහි කිඳී
දක්වන සිරිය කීමට මට වදන මඳී
සම්පත සතුට සාමය ලෝකයට බෙදූ
සම්බුදු පියාගේ සිරිපා පියුම මුදු
යම්කිසි වස්තුවක් ලොව නැත කියන බඳු
සම්මා හිරු දෙවිඳු ගිර මේ අයුරු පිදූ |