වසර 2322 ක් සපිරෙන
මහා විහාරවංශික උපසම්පදාව හෙවත් වසර 262 සපිරෙන
මහා විහාරවංශික ස්‍යාමෝපාලි මහා නිකායේ උපසම්පදාව
 මහාවිහාර වංශික ස්‍යාමෝපාලි මහානිකායේ මල්වතු මහාවිහාර පාර්ශ්වයේ
නියෝජ්‍ය හා වැඩබලන ලේඛකාධිකාරි ,
ඓතිහාසික සෝමවතී රාජමහා විහාරාධිපති
පේරාදෙණිය
විශ්වවිද්‍යාලයේ
සම්භාව්‍ය භාෂා අංශයේ
විශ්‍රාමික කථිකාචාර්ය හා වැඩබැලූ අංශාධිපති ආචාර්ය
පහමුණේ ශ්‍රී සුමංගල නා හිමි
මෙම ලිපියෙහි
පළමු කොටස වෙසක් පුර පසළොස්වක පත්‍රයේ ද,
දෙවන කොටස වෙසක් අව අටවක
පත්‍රයේ ද පළ විය.
මේ අයුරින් මල්වතු මහා විහාරයේ කෙරෙන උපසම්පදා විනය කර්මය වාර්ෂිකව සිදු කරමින්
සම්බුද්ධ ශාසනයටත්, රටටත් ඉමහත් සේවයක් සලසාලන දැන උගත් භික්ෂූන් වහන්සේට
ප්‍රාදේශීය නායක පදවි මෙන්ම උපාධ්‍යාය හා කර්මාචාර්ය පදවිත් ගිහිපැවිදි උභය පක්ෂයටම
ගෞරව නාමයන් ද පිරිනමමින් ඔවුන් කරන සේවය තව තවත් ඉදිරියටත් ලබා දීමේ
පරමාධ්‍යාශයෙන් සිදු කරන්නකි.
1931 විහාර දේවාලගම් පනත අනුව වුවද සිංහල රජදවස පටන්ම පැවත අයුරින් මල්වතු
පාර්ශ්වයට අයත් විහාරස්ථානවල නිත්‍යානුකූල විහාරාධිපති වන්නේ මහානායක මාහිමියන්
වහන්සේ බවත් උන්වහන්සේ විසින් අනුමත කරන පාලක විහාරාධිපති හිමියන් එකී පරිපාලනය
සඳහා විහාරාධිපති ලෙස කටයුතු කරයි. ඉන් පසුව රා:ව: 1972 දීත්, 1978 වර්ෂයේ දීත්
සම්මත කරන ලද ආණ්ඩුක්‍රම ව්‍යවස්ථා අනුවද සම්බුද්ධ ශාසනය පිළිබඳ චිරාගත
සාම්ප්‍රදායානුකූලව පැවරී ඇති බලය නිසාත් මල්වතු මහා විහාරයේ ගරුතර කාරක මහා සංඝ
සභාව විසින් සිදු කරනු ලබන සේවයන් ඉදිරියටත් අඛණ්ඩව පවත්වාගෙන යාමට සැලසී ඇති බව
මැනවින් පැහැදිලි වේ.
මේ අනුව එදා උපසම්පදාව මුල්කොටම මිහිඳු මාහිමියන් විසින් ආරම්භ කරන ලද සම්බුද්ධ
ශාසනය මහනුවර සමය වන විට අන්ත පරිහානියට පත්ව තිබූ වකවානුවක වැලිවිට අසරණ සරණ
සරණංකර සංඝරාජ මාහිමියන් වහන්සේගේ බලවත් උත්සාහය නිසා කීර්ති ශ්‍රී රාජසිංහ මහ
රජතුමන්ගේ පූර්ණ රාජ්‍ය අනුග්‍රහය නිසාත් ලක්දිවින් රැගෙන ගිය උපසම්පදාවම සියම් රටේ
සිට නැවත ගෙනවුත් එම උපසම්පදාව මුල්කරගෙන කීර්ති ශී‍්‍ර රාජසිංහ මහ රජතුමා විසින්
ස්වකීය මල්වත්තම සම්බුද්ධ ශාසනයට පූජා කරමින් ඒ හා සහ සම්බන්ධව අනෙකුත් ඉඩකඩම්
ඉපැරණි වෙහෙර විහාරස්ථානද පුද කරමින් සම්බුද්ධ ශාසනය පවත්වාගෙන යාමට කරන ලද උදාරතම
මෙහෙවර නිසාම වසර 262 ක් මුළුල්ලෙහි මහා විහාර ස්‍යාමෝපසම්පදාව පවත්වාගෙන ඒමට හැකි
වීම සකල බෞද්ධ ජනතාවගේ අපමණ සතුටට හේතු වන්නකි.
මේ අයුරින් සම්බුද්ධ ශාසනය පවත්නේ උපසම්පදාව නිසාමය. උපසම්පදාව නොමැති විට සම්බුද්ධ
ශාසනයක්ද නැත. ඒ නිසාම උපසම්පදා භික්ෂූන් වහන්සේ ආරක්ෂා කර ගැනීම ඔබ අප සැමගේ පරම
යුතුකමක් වන හෙයින් එකී උපසම්පදාව මෙම වර්ෂයේද මැයි 21 වෙසක් පොහෝ දින සිට ආරම්භ වූ
අතර ජුනි 19 පොසොන් පොහෝ දින දක්වා මහනුවර මල්වතු මහා විහාරයීය මංගල උපෝෂතාගාරයේදි
ස්‍යාම නිකායික මල්වතු පාර්ශ්වයේ සියලුම උපසම්පදාපේක්ෂක සාමණේරයන් වහන්සේලාගේ
උපසම්පදා මහා පුණ්‍යකර්මය පරම පූජනීය තිබ්බටුවාවේ ශ්‍රී සිද්ධාර්ථ සුමංගලාභිධාන මහා
විහාරවංශික ස්‍යාමෝපාලි මහා නිකායේ මල්වතු මහා විහාර පාර්ශ්වයේ මහානායක
ස්වාමීන්ද්‍රයන් වහන්සේගේ ප්‍රධානත්වයෙන් සානුනායක ගරුතර කාරක මහා සංඝ සභාව,
කර්මාචාර්යන් වහන්සේලා ඇතුළු මල්වතු මහා විහාරයීය මහා සංඝ රත්නය කටයුතු සූදානම්කොට
ඇති බව මෙහිලා සඳහන් කරමි. |
