පූජා භූමි සංකීර්ණය විවෘත කිරීමේ පූජෝත්සවය

බද්දේගම මහගොඩකන්ද ඉසිපතනාරාම මහා විහාරස්ථානයෙහි අභිනවයෙන් ඉදිකරන ලද බෝධි ප්‍ර‍්‍රාකාරය සහිත රන්වැට, අටවිසි බුදුකුටි, චෛත්‍යය, දේවාල සහිත පූජා භූමි ගොඩනැගිලි සංකීර්ණය විවෘත කිරීමේ මහා පූජෝත්සවය මෙම අපේ‍්‍රල් මස 30 වැනිදා කෝට්ටේ ශ්‍රී නාග විහාරාධිපති මාදුළුවාවේ සෝභිත නාහිමියන්ගේ ප්‍රධානත්යෙන් සිදු කෙරෙයි.ඉසිතපතානාරාමාධිකාරි ශාස්ත්‍රපති බලගොඩ සිරිනිවාස හිමියන්ගේ අනුශාසකත්වයෙන් පැවැත්වෙන මෙම පූජෝත්සවය සඳහා මරදාන මාලිගාකන්ද විද්‍යෝදය මහ පිරිවෙන් අධ්‍යක්ෂ, දර්ශනපති අකුරැටියේ නන්ද නාහිමි, බ්‍රිගේඩියර්, එන්.ආර්. ළමාහේවගේ මහතා ඇතුළු පැවිදි ගිහි විශාල පිරිසකගේ සහභාගිත්වයෙන් සිදුවන මෙම මහෝත්සවය අපේුල් මස 30 වැනිදා සිට මැයි මස 08 වැනිදා දක්වා පැවැත්වේ.මැයි මස 01 වැනිදා සර්ව රාත්‍රික පරිත්‍රාණ ධර්ම දේශනාව, 02 වැනිදා අර්ධ ශතාධික මහා සංඝරත්නය විෂයෙහි හීල දානය පිරිනැමීම, 03 වැනිදා වෙසක් පොහෝ වැඩසටහන, 04 වැනිදා ළමා තරුණ සීල සමාදානය, 05 වැනිදා දේවාල පූජාව හා දේශ ශාන්තිය, 06 වැනිදා පුණ්‍යානුමෝදනා ධර්ම දේශනාව, 07 වැනිදා තෙසැත්තෑඥාණ පූජාව, 8 වැනිදා පූජා භූමි ආනිසංස ධර්මානුශාසනාව. මේ සෑම දිනකම සන්ධ්‍යා සම්බුද්ධ පූජා බෝධිපූජා පැවැත්වෙයි.