දමයන්ති ජයකොඩි ලියූ ”අසිරිමත් ශ්‍රී ගෞතම සම්බුද්ධ රාජ්‍යය” වප් පුන්පොහෝ දා දොරට වඩී

“අපේ බුදු හාමුදුරුවෝ” ග්‍රන්ථය ඇතුළු බෞද්ධ ග්‍රන්ථ රැසක් රචනා කළ දමයන්ති ජයකොඩි මහත්මිය ලියූ “ගෞතම බුද්ධ චරිතය 3 – අසිරිමත් ශ්‍රී ගෞතම සම්බුද්ධ රාජ්‍යය” අලුත්ම බෞද්ධ ග්‍රන්ථය කිරිබත්ගොඩ ඤාණානන්ද හිමියන් වෙත පූජා කිරීමේ මහෝත්සවය ඔක්තෝබර් මස 08 වැනිදා බදාදා (පුන් පොහෝදා) උදේ 10.00 ට පොල්ගහවෙල මහමෙව්නා භාවනා අසපුවේදී පැවැත්වේ.

දයාවංශ ජයකොඩි සහ සමාගම විසින් ප්‍රකාශයට පත් කරන ලද “අසිරිමත් ශ්‍රී ගෞතම සම්බුද්ධ රාජ්‍යය” ග්‍රන්ථය බෝසතාණන් වහන්සේගේ අභිනිෂ්ක්‍රමණයේ සිට අසිරිමත් බුද්ධත්වය දක්වා ලියා ඇත.