කතරගම මහා දේවාලයේ අවුරුදු මංගල්‍ය පෙරහර

ඊ.එච්. සෝමපාල
කතරගම විශේෂ

ඓතිහාසික රුහුණු කතරගම මහා දේවාලයේ වාර්ෂික අවුරුදු මංගල්‍ය පෙරහර අපේ‍්‍රල් මස 14 වැනි දින රාත්‍රී පැවැත්වේ.

පෞරාණික චාරිත්‍ර, පුද සිරිත් වලට මුල්තැනක් දෙමින් උඩරට, පහතරට නැටුම් මෙන්ම රුහුණු ප්‍රදේශයට ආවේණික නැටුම් වලින්ද අලි ඇතුන්ගෙන්ද යුතුව ඉතාමත් අලංකාර ලෙස පෙරහර පැවැත්වීමට රුහුණු කතරගම මහාදේවාලයේ බස්නායක නිලමේ ඌව පළාත් මහ ඇමැති ශෂීන්ද්‍ර රාජපක්ෂ මහතා කටයුතු සංවිධානය කර ඇත.

පෙරහර සමයේ කතරගම පුදබිමට පැමිණෙන බැතිමතුන්ට අවශ්‍ය පහසුකම් සැපයීමට කතරගම ප්‍රාදේශීය ලේකම් කාර්යාලය, ප්‍රාදේශීය සභාව, නාගරික සංවර්ධන අධිකාරිය, භෞතික සැලසුම් දෙපාර්තමේන්තුව හා කතරගම පොලීසිය කටයුතු යොදා ඇත.