සුවිසෙස් දන්සැල් ඇගයුම

දන්සැල් සත්කාරය සඳහා මෙරට බෞද්ධ දානපති පින්වතුන් මෙන්ම සැදැහැති බොහෝ දෙනාගේ දායකත්වය ද ප්‍රමුඛ වේ. ඔවුන්ගේ දෛනික ජීවන රටාවේ කොපමණ හැල හැප්පීම් ඇතිවුවද, ගම වටා යමින් මේ පුංචි මිනිසුන් දක්වන ක්‍රියාව සැබැවින්ම පැසසුම් ය.

එනිසා දන්සැල් ක්‍රියාවලියටද යම් අගැයීමක් ලබා දිය යුතුව ඇත. දන්සැල් ක්‍රමවත්ව පවත්වාගෙන යාමට ද එයින් ලැබෙනුයේ ඉමහත් පිටුවහලකි.

Telak Extea ආයතනය සිය සමාජ සත්කාරක සේවාවක් වශයෙන් දීපව්‍යාප්තව පවත්වන දන්සැල් ඇගයීම සඳහා “සුවිසෙස් දන්සැල්” නමින් නව වැඩ පිළිවෙළක් පසුගිය පොසොන් පොහෝදින නිමිති කර ගනිමින් අරඹන ලදී.

ඒ අනුව ආහාර සැකසීම, ඒවා තැන්පත්කර තැබීම, පිළිගැන්වීම, දන්සැල් පවත්වාගෙන යන ස්ථානයේ පිරිසුදුතාවය, සද්භාවය, අරමුණ හා උපයෝගිතාවය පිළිබඳව මූලික අවධාන යොමු කරමින් නිරීක්‍ෂණ කටයුතු දියත් කෙරුණි. මෙයින් තෝරා ගන්නා ලද හොඳම දන්සැල් සඳහා වටිනා තෑගි හා ඇගයීම් සහතික පත්‍ර පිරිනැමීමටද Telak Extea ආයතනය සැළසුම් කර ඇත. එම ප්‍රණාම උළෙල ශ්‍රී ජයවර්ධනපුර කෝට්ටේ ජනකලා කේන්ද්‍රයේ දී මෙම 10 වන දා පස්වරු 4 ට පැවැත්වේ.

සටහන - අතුල රංජිත්