මහනුවර ඇසළ පෙරහර

මෙවර මහනුවර ඇසළ පෙරහර මංගල්‍යය සතර මහ දේවාලයන්හි සුබ නැකතට කප් සිටුවීමෙන් අගෝස්තු මස 07 දින ඇරඹෙයි.

නාථ, විෂ්ණු, කතරගම හා පත්තිනි යන දේවාලයන්හි අගෝස්තු මස 07 දින පෙරවරු 7.59 උතුරු දිශාභිමුඛව කප් සිටුවීමට නියමිතය. එදින සිට අගෝස්තු 10 දා තෙක් දේවාල අභ්‍යන්තර පෙරහර පැවැත්වෙයි.

ප්‍රථම කුඹල් පෙරහර අගෝස්තු 11 දින පස්වරු 7.31 ට වීදි සංචාරය කිරීමට නියමිතය. ශ්‍රී දළදා මාලිගාව අභියසින් පිටත්වන පෙරහර දළදා වීදිය, ඩී.එස්. සේනානායක වීදිය, පන්සල පාර ඔස්සේ ඉහළට පැමිණ දේව වීදිය, කොළඹ වීදිය, යටිනුවර වීදිය, රජ වීදිය ඔස්සේ ඉහළට විත් ගෙවදීමට නියමිතය.

කුඹල් පෙරහර අගෝස්තු 15 දින නිමාවට පත්වීමෙන් පසු පසුදින රාත්‍රීයේ ප්‍රථම රන්දෝලි පෙරහර වීදි සංචාරය අරඹයි. පුරා දින පහක් රන්දෝලි පෙරහර වීදි සංචාරය කරයි. අවසන් රන්දෝලි මහ පෙරහර නිකිණි පුන් පොහෝ දින වීදි සංචාරය කෙරෙන අතර පසුදින අලුයම ගැටඹේ දිය කපනා තොටේදී දියකැපුම් මංගල්‍යය පැවැත්වෙයි. එදින දවල් පෙරහර වීදි සංචාරය කිරීමෙන් අනතුරුව පස්වරුවේ පෙරහර සමාප්ති උත්සවය ජනපති මහින්ද රාජපක්ෂ මහතාගේ ප්‍රධානත්වයෙන් මහනුවර ජනපති මැදුරේදී පැවැත්වීමට නියමිතය. - අසේල කුරුළුවංශ