කුල දරුවන් සියයක් පැවිදි කිරීමක්

කටාන මීගමුව ප්‍රාදේශීය ශාසනාරක්‍ෂක මණ්ඩලයේ මෙහෙයවීමෙන් එළඹෙන වෙසක් පසළොස්වක පොහොය නිමිත්තෙන් කුල දරුවන් සිය දෙනෙකු සසුන් ගත කිරීමට කටයුතු යොදා ඇත.

වයස 12 – 20 ත් අතර සසුන් ගත වීමට කැමැති කුල දරුවන්ගේ මව්පිය හා භාරකරුවන්ගෙන් වගකීමක් සහිතව බාර දෙන ලෙසත් එසේ පැවිදි කරනු ලබන සාමණේර හිමිවරුන්ගේ ඉදිරි අධ්‍යාපන කටයුතු වගකීමකින් ඉටු කරගෙන යාමට ද කටයුතු යොදන බව කටාන මීගමුව ශාසනාරක්‍ෂක මණ්ඩලයේ ලේඛකාධිකාරී ගෞරව ශාස්ත්‍රවේදී සීදුවේ සුමනවංශ හිමියෝ පවසති. පැවිදීමට කැමැති දරුවන් හඳහන් කොපියක් ද සහිතව කටාන ප්‍රාදේශීය ශාසනාරක්‍ෂක ලේඛකාධිකාරී හිමි අභිනවාරාමය රද්දොළුව සීදුව යන ලිපිනයට මාර්තු 15 වන දාට පෙර යොමු කළ යුතු බවද කියයි.