සමස්ත ලංකා දහම් පාසල් සිසු නිපුණතා
දිස්ත්‍රික් ඇගයීම් ඔක්තෝබර් 28 ට කල්යයි
බුද්ධ ශාසන හා ආගමික කටයුතු අමාත්‍යාංශය, බෞද්ධ කටයුතු දෙපාර්තමේන්තුව
හා සමස්ත ලංකා ශාසනාරක්‍ෂක මණ්ඩලය වාර්ෂිකව එක්ව පවත්වනු ලබන දහම්
පාසල් සිසු නිපුණතා ඇගයීම් වැඩසටහනේ දෙවන අදියර වන සමස්ත ලංකා දහම්
පාසල් දිස්ත්‍රික් සිසු නිපුණතා ඇගයීම් වැඩසටහන 2012 ඔක්තෝම්බර් මස 21
වන පැවැත්වීමට නියමිතව තිබුණ ද නොවැලැක්විය හේතුවක් මත ඔක්තෝබර් මස 28
දින පෙරවරු 8.30 ට පැවැත්වීමට කටයුතු සංවිධානය කොට ඇත. 2012
සැප්තැම්බර් මස 23 වන දින පවත්වන ලද දහම් පාසල් සිසු නිපුණතා
ප්‍රාදේශීය ඇගයීම් වැඩසටහනේ දී ප්‍රාදේශීය මට්ටමෙන් පළමු ස්ථාන
හිමිකරගත් දරු දැරියන් 12168 ක් මධ්‍යස්ථාන 19 කදී පැවැත්වෙන මෙම
වැඩසටහනට සහභාගිවීමට නියමිතය. ප්‍රායෝගික දැනුම, දහම් දැනුම, ගාථා
ගායනා, පද්‍ය හා ගාථා ගායනා, ගද්‍ය රචනා, කථික හා බෞද්ධ චිත්‍ර ලෙසින්
නිපුණතා ඉසව් 39 ක් යටතේ මෙම ඇගයීම් වැඩසටහන පැවැත්වෙන අතර මෙහිදී පළමු
ස්ථාන හිමිකරගන්නා දරු දැරියන් 819 ක් (දිස්ත්‍රික්කයකින් 39 දෙනා
බැගින්) දෙසැම්බර් මස පුත්තලමේ දී පැවැත්වෙන සමස්ත ලංකා දහම් පාසල්
සිසු නිපුණතා ඇගයීම් වැඩසටහන ඉදිරිපත් කිරීමට නියමිත බව බෞද්ධ කටයුතු
කොමසාරිස් ජනරාල් විසින් දන්වා සිටියි. |
