|
ජය
ශ්‍රී මහ බෝධි අංකුරය වැඩමවීම
යටියන්තොට, ගරාගොඩ, ශ්‍රී බෝධිමළු විහාරස්ථානයේ ශතවර්ෂයකට
අධික කාලයක් වැඳුම් පිදුම් කරන ලද බෝධීන් වහන්සේ දැනට මාස
කීපයකට පෙර ඉදිරි වැටුණි. එම අඩුපාඩුව සපුරා ගැනීම් වස්
අනුරාධපුර ජය ශ්‍රී මහා බෝසමිඳුන්ගේ බෝධි අංකුරයක් රෝපණය
කිරීම පිණිස විහාරාධිපති හිමියන් හා දායක සභාව දැක්වූ
බලවත් උත්සාහය මල්ඵල ගන්වමින් අනුරාධපුර අටමස්ථානාධිපති
පල්ලේගම සිරිනිවාස නායක හිමියන් ජය ශ්‍රී මහා බෝධි
අංකුරයක් පූජා කරනු ලැබීය. විහාරස්ථ දායක සභාව වෙනුවෙන්
ජනාධිපති ජ්‍යෙෂ්ඨ උපදේශක කාර්යාලයේ අධ්‍යක්‍ෂක හිටපු
සමෘද්ධි අමාත්‍ය ආර්.ඒ.ඩී. සිරිසේන මහතා විසින් ජය ශ්‍රී
මහා බෝමළුවේ සිට බෝධි අංකුරය වැඩම කරවන අවස්ථාව,
විහාරාධිපති ගරාගොඩ සිරිනිවාස හිමි, පණ්ඩිත වටගල සුමනරතන
හිමි ඇතුළු මහා සඟරුවන හා දායක පින්වතුන් ඡායාරූපයේ වෙති. |
