බෙල්ලන්විල ඇසළ පෙරහර

ටී.ඩී. සිරිසේන, මහරගම සමූහ

බෙල්ලන්විල ඇසළ පුණ්‍යොත්සවයට සමගාමීව බෙල්ලන්විල රන්දෝලි මහ පෙරහර අගෝස්තු 25 වැනි දින අති උත්කර්ෂවත් ලෙස පැවැත්වේ. මෙම උත්සවය පැවැත්වෙනුයේ 62 වන වරටය. අපවත්වී වදාළ බෙල්ලන්විල රජ මහා විහාරාධිපතිව විසූ බෙල්ලන්විල සෝමරතන නා හිමියන් විසින් අරඹන ලද මෙම පෙරහර වත්මන් විහාරාධිකාරී කෝට්ටේ පාර්ශ්වයේ අනුනායක ශ්‍රී ජයවර්ධනපුර විශ්වවිද්‍යාලයේ කුලපති මහාචාර්ය බෙල්ලන්විල විමලරතන නාහිමියන්ගේ අනුශාසනා පරිදි සිදු කිරීමට කටයුතු යොදා ඇතිබව පෙරහර කමිටුව පවසයි. පූර්ණ රාජ්‍ය අනුග්‍රහය මේ සඳහා ලබා දී ඇත. අගෝස්තු මස 18 වන දා කුඹල් පෙරහර ද 19 දා සිට 22 දක්වා මල් පෙරහර ද, 23 වන දා පාවාඩ පෙරහර ද, 24 වන දා රන්සිවිලි පෙරහර ද, රන්දෝලි මහා පෙරහර 25 දා සහ දිය කැපීමේ පෙරහර 26 වන දා පැවැත්වේ.