86 වන කොටස

364.
ධම්මරාමො ධම්මරතො
ධම්මං අනුවිචින්තයං
ධම්මං අනුස්සරං භික්ඛු
සද්ධම්මා න පරිහායති

තෙරුවනෙහි ගුණ හැඳින
එය නිතර මෙනෙහි කළ
සැදැහැවතුනගේ සිත්- පාපයෙන් බැහැර වේ.
දහම් ලැදි – කෙනෙකුගේ ජීවිතය – කිසිදිනෙක පාපයට –නැඹුරු වන්නේ නොවේ

365.
සලාභං නාතිමඤ්ඤය්‍ය
නාඤ්ඤෙසං පිහයං චරේ
අඤ්ඤේසං පිහයං භික්ඛු
සමාධිං නාධි ගච්ඡති

ලද දෙයින් තුටුවන්න – ඉරිසියා නොකරන්න – එවිට සිත සමාධිය පහසුවෙන් ළඟා වේ.
ඔබේ සිත – නිරවුල්ව තිබේ නම් – ඔබේ මතු දිවි මඟ ද පැහැදිලිය . නිරවුල්ය.

366.
අප්පලාභො පි චේ භික්ඛු
සලාභං නාතිමඤ්ඤති
තං වේ දෙවා පසංසන්ති
සුද්ධාජීවිං අතන්දිතං

තමා වෙත පිරිනැමෙන - සුළු දෙයින් තුටු වන්න - සුපිරිසුදු දිවි මඟට - දෙවියෝද පුදකරති.
සුළු දෙයින් - සතුටු වන තැනැත්තා - මියෙන තුරු මානසික වේදනා නොම විඳී

367.
සබ්බසො නාම රූපස්මිං
යස්ස නන්ථි මමායිතං
අසතා ච න සොචති
සවේ භික්ඛු ති වුච්චති

නාම සහ රූප දෙක – මගේ යැයි නොසිතුවොන් – ඔහු මහණ කෙනෙකු ලෙස සැලකීම වැරැදි නැත.
මාගේ යන – හැඟීමෙන් මේ ලොවේ – කිසිවකුට දුකක් මිස - සහනයක් හිමි නොවේ.

බණ්ඩාර මඩුගල්ලේ