කොත් වහන්සේ නිරාවරණය 30 වන දා

බොල්ලෑගල මානෙල් වත්ත ශ්‍රී සිරිනන්ද විහාරයේ අභිනව චෛත්‍යරාජයාණන් වහන්සේගේ කොත නිරාවරණය කිරීමේ පුණ්‍ය උත්සවය ඔක්තෝබර් 30 වන දා උදෑසන සිදුකිරීමට නියමිතය. එම චෛත්‍ය රාජයාණන් වහන්සේ ඒ.පී. දයානන්ද මහතාට පින් පිණිස ඔහුගේ භාර්යාව වන සඳමාලි මහත්මියගේ ධන පරිත්‍යාගයෙන් ඉදි කරනු ලැබිණ. විහාරාධිපති රත්නපුරේ නාගිත හිමියන්ගේ අනුශාසනා පරිදි විහාරස්ථ දායක සභාව කුලගන සමිතිය හා ප්‍රදේශවාසීන් එක්ව එම පින්කම සංවිධානය කර ඇත.