බොදු පුවත් (ඡායාරූප)
 

දෙහිවල ගල්විහාර පාරේ නව පොළොන්නරු ගල් විහාරාධිපති ආචාර්ය කනුමුල්දෙණියේ ධර්මාශෝක නා හිමියන්ගේ අනුශාසනා පරිදි එම විහාරයේ ඓතිහාසික පොළොන්නරු ගල් විහාරයේ සැලැස්ම අනුව ඉදිකර ඇති අනුරුවේ වැඩ නිමවා 2600 ශ්‍රී සම්බුද්ධත්ව ජයන්තිය වෙනුවෙන් මහින්ද රාජපක්‍ෂ ජනාධිපතිතුමාගේ සුරතින් පසුගියදා (11) විවෘත කැරිණි. එහිදී ජනාධිපතිතුමා ආගමික වතාවත් වල නිරත වූ අවස්ථාව.විහරාධිපති කනුමුල්දෙණියේ ධර්මාශෝක නාහිමියෝද මෙහි වෙති.

2600 සම්බුද්ධත්ව ජයන්ති වසරට සමගාමීව දනවතී ජයවීර මහත්මිය විසින් රචිත සිය දෙවන ගද්‍ය සංග්‍රහය වූ “දිවමන් බුදුන් දුටුවෙමි” කෘතිය දොරට වැඩීම පසුගියදා කළුතර නාගොඩ සංදර්ශනාරාම පුරාණ විහාරස්ථානයේදී සිදුකැරිණි. ධර්ම දානයක් වශයෙන් බෙදාදීමට අපේක්‍ෂිත එම කෘතියේ මුල් පිටපත දම්බුළුවන සුමංගල නාහිමියන් වෙත දනවතී ජයවීර මහත්මිය විසින් පිළිගැන්වූ අවස්ථාව.