රුහුණු කතරගම
මහා දේවාලයේ පෙරහර
ඊ. එච්. සෝමපාල
කතරගම විශේෂ
ඓතිහාසික රුහුණු කතරගම මහා දේවාලයේ වාර්ෂික ඇසළ මහා පෙරහර ජූලි මස 01
දින ඇරඹෙයි.
ජූලි මස 01 දින මංගල පෙරහර මහාවීදියේ පමණක් ගමන් කෙරේ. ජූලි මස 02 දින
සිට කතරගම මහා දේවාලයෙන් ඇරඹෙන පෙරහර පිටවීදියේ ගමන්කර වල්ලි අම්මා
දේවාලයට ගොස් පෞරාණික චාරිත්‍ර පුද සිරිත් ඉටු කර මහාවීදියේ ගමන්කර
පෙරහර මහාදේවාලයට ගෙවදිනු ඇත.
ජූලිමස 06 දින පෙරහර වීදි සංචාරය කිරීමට ප්‍රථම මහාදේවාලය ඉදිරිපිට ඇති
අතුපන්දලමට අලුතින් අතු දමා සකස් කිරීම බස්නායක නිලමේතුමාගේ වලව්වේදී
මහා සංඝරත්නය වෙනුවෙන් දානමය පින්කම් හා බස්නායක නිලමේතුමා පෞරාණික
චාරිත්‍රානුකූලව පෙරහැරේ ගමන් ඇරඹීම සිදුවෙයි.
ජූලි මස 12 දින ගිනි පෑගීම සිදුකෙරේ. ජූලිමස 15 දින අවසාන මහා පෙරහර
පැවැත්වෙන අතර ජූලි මස 16 දින මැණික් ගඟේ දියකැපීමෙන් පෙරහර කටයුතු
අවසන් වෙයි.
පෞරාණික චාරිත්‍ර පුද සිරිත් වලට මුල් තැනක් දෙමින් උඩරට පහතරට සබරගමුව
හා රුහුණු ප්‍රදේශයට ආවේණික නැටුම් වලින්ද අලි ඇතුන් ගෙන්ද යුතුව
ඉතාමත් අලංකාර ලෙස පෙරහර පැවැත්වීමට රුහුණු කතරගම මහාදේවාලයේ බස්නායක
නිලමේ ඌව පළාත් ප්‍රධාන අමාත්‍ය ශෂීන්ද්‍ර රාජපක්‍ෂ මහතා කටයුතු
සංවිධානය කර ඇත.
|
