51 වන කොටස

224) සච්චං භණෙ න කුජ්ෙක්‍ධය්‍ය දජ්ජා පස්මිංපි යාචිතො
ඒතේහි තීහි ඨානෙහි –ගච්ඡේ දේවාන සන්තිකෙ

බොරු බසක් නොපවසන – තරහවක් නොගන්නා –

හැකි පමණ දන් පුදන – තැනැත්තේ දෙවි කෙනෙකි

හිතවතුනි, උසස් ගුණ – හුරු පුරුදු කර ගන්න.–

ලෝකයා ඔබට දෙවි කෙනෙකු සේ පුදනු ඇත.

225.) අහිංසකා යෙ මුනයො - නිච්චං කායෙන සංවුතා
තෙ යන්ති අච්චුතං ඨානං – යත්ථ ගන්ත්වා න සෝචරේ

අහිංසක මුනිවරහු – තුන් දොරින් සංවරය –

එවැන්නෝ නිසැක ලෙස නිවන වෙත වන්නේ ය.

හිතවතුනි, තුන්් දොරින්- සුසංවර තැනැත්තේ නිසැක

ලෙස සැනසීම වෙත ළඟා වන්නේ ය.

226) සදා ජාගරමානානං – අහො රත්තානු සික්ඛිනං
නිබ්බානං අධිමුත්තානං -අත්ථ ගච්ඡන්ති ආසවා

නින්ද වෙත ගිජු නොවී– ගුණ දහම් වඩන්නා – නිසැක

ලෙස කෙලෙස් මුල් - සිඳ බිඳ දමන්නේ ය.

හිතවතුනි, තම සිතට – වහල් වන්නේ නැතිව සිත

වහලකු කර ගන්න – නිසැක ජය ඔබට ම ය.

227) පෝරාණමෙතං අතුල - නෙ තං අජ්ජතනමා’ව
නිද්ධන්ති තුණ්හීමාසීනං – නිද්දන්ති බහුභාණිනං

මිතභාණම්පි නින්දන්ති – නත්ථි ලොකෙ අනින්දිතො

පින්වත්නි, මෙලොවේ - හොඳ නරක හැමෝටම –

නොයෙක්

නින්දා ලැබේ. එය වැළැක්විය නොහේ.

හිතවතුනි, ලෝකයෙන් – ලැබෙන නින්දා වලට

නොකැළඹී ඉවසන්න – ඔබට ජය ලැබෙනු ඇත.

මතු සම්බන්ධයි

බණ්ඩාර මඩුගල්ලේ