පැවිදි නම – අමරපුර නිකායේ මහානායක අම්බලන්ගොඩ සුමංගල මහානායක
මාහිමිපාණන් වහන්සේ,
වැඩ වසන පන්සල – ගල්කිස්ස රත්මලාන ස්වර්ණමාලි මහා විහාරය.
උපන් දිනය – 1923 නොවැම්බර් මස 24 වන දින
පියා - කරනේලිස් ද සිල්වා අභයවර්ධන පියතුමා
මව - බබුන් නෝනා දලුවත්ත මවුතුමිය.
සහෝදර සහෝදරියන් - සහෝදරයන් තුන් දෙනෙක් සහ සහෝදරියන් දෙදෙනෙක් පමණ.
ගිහි නම – මහින්දපාල සමරවීර අබේවර්ධන
මූලික අධ්‍යාපනය – අම්බලන්ගොඩ පටබැදිමුල්ල සිංහල බෞද්ධ විද්‍යාලය.
උසස් අධ්‍යාපනය – 1943 ප්‍රාචීන ප්‍රාරම්භ විභාගය සමත්වීම.
1948
ප්‍රාචීන මධ්‍යම විභාගය සමත්වීම. (ශ්‍රී ඤානවිමල නාහිමි විනය ත්‍යාගය
සහිතව)
1954 ප්‍රාචීණ පණ්ඩිත විභාගය සමත් වීම,
1949 සිංහල අවසාන ගුරු
විභාගයෙන් සමත් වීම,
1962 – 1964 කැලණිය විද්‍යාලංකාර විශ්වවිද්‍යාලයේ
ඉගෙනුම ලබා ශාස්ත්‍රවේදී උපාධිය ලබා ගැනීම.
පැවිදි වීම – 1935 ජනවාරි මස 24 වන දින අම්බලන්ගොඩ ශ්‍රී
දේවානන්ද උප සංඝරාජ අමරපුර නිකායේ මහානායක මාහිමියන්ගේ ශිෂ්‍යයකු වශයෙන් පැවිදි
විය.
උපාධ්‍යයන් වහන්සේ - බේරුවල සිරි සුමංගල සිරිනිවාස නා හිමි.
ආචාර්යන් වහන්සේ - අම්බලන්ගොඩ ශ්‍රී දේවානන්ද උප සංඝරාජ මහානායක මා
හිමියන් වහන්සේ සහ රාජකීය පණ්ඩිත අම්බලන්ගොඩ ධම්ම කුසල මහානායක
මාහිමියන් වහන්සේ.
උපසම්පදා දිනය – 1945 අම්බලන්ගොඩ ශ්‍රී දේවානන්ද උපසංඝරාජ මහානායක
මාහිමිපාණන් වහන්සේගේ සහ රාජකීය පූජ්‍ය පණ්ඩිත අම්බලන්ගොඩ ධම්ම කුසල
මහානායක මාහිමියන් වහන්සේගේ ශිෂ්‍යයකු වශයෙන් අම්බලන්ගොඩ මාදම්පා මෝදර
උදකුක්ඛෙප සීමා මාලකය.
පැවිදි දිවියේ වැදගත් සිදුවීම් – බුරුම රජයෙන් අග්ග මහා පණ්ඩිත උපාධිය
ලැබීම, 1973 සිට මේ දක්වා ගල්කිස්ස තෙලවල ස්වර්ණමාලි විහාරයේ
විහාරාධිපති ධූරය දැරීම.
පළ කළ කෘති - ජාතකට්ඨ කතා සීල කුරුංග වග්ග ශාස්ත්‍රෝදය ව්‍යාඛාව, භාවනා
මාර්ගය, ආරිය අෂ්ටාංගික මාර්ගය, චුල්ලවග්ග ග්‍රන්ථ පද විවරණය, මාතා
පිතූ උපට්ඨානං යන කෘති වේ.
රාජකීය ආසියාතික සංගමයේ අනුග්‍රහයෙන් සමන්ත පාසාදිකා විනය අටුවාව සිංහල
පරිවර්තනයේ පළවන කාණ්ඩය, දෙවන කාණ්ඩය, තුන්වන කාණ්ඩය යන ග්‍රන්ථ තුනේම
සංස්කාරක වශයෙන් කටයුතු කිරීම.
බුද්ධ ශාසන අමාත්‍යාංශයේ හා බෞද්ධ කටයුතු පිළිබඳ දෙපාර්තමේන්තුවේ
මෙහෙයවීමෙන් හා අනුග්‍රහයෙන් පවත්වන ත්‍රිපිටක ධර්මය සරල බසින්
සම්පාදනය කරන සංක්‍ෂිප්ත ත්‍රිපිටක ග්‍රන්ථ සම්පාදක මණ්ඩලයේ කර්තෘවරයකු
වශයෙන් අවුරුදු 12 ක් පමණ කාලයක සිට මේ දක්වා කටයුතු කිරීම.
විදේශ ධර්ම ප්‍රචාරක සේවා - තායිලන්තය, හොංකොං, ඉන්දියාව
තනතුරු - 1963 දී අමරපුර නිකායේ කාරක සංඝ සභාවට පත් වීම, 1987 නිකායේ
අධිකරණ නායක ධූරයට පත්වීම, 1994 නිකායේ අනුනායක ධූරයට පත්වීම, 1998
මහානායක පදවියට පත්වීම.
පාලනය කරන විහාරස්ථාන – අමරපුර නිකායට අයත් විහාරස්ථාන 300ක් පමණ පාලනය
කිරීම සඳහා මූලිකව කටයුතු කිරීම.
වෙනත් සේවා - 1945 සිට අම්බලන්ගොඩ ශාස්ත්‍රෝදය පිරිවෙනේ ආචාර්යවරයකු
වශයෙන් 1958 දක්වා සේවය කිරීම, 1963 සිට 1964 රත්නපුර මල්වල ශ්‍රී
ඤාණෝභාස මහා පිරිවෙනේ ආචාර්යවරයකු වශයෙන් සේවය කිරීම, 1965 සිට 1975
දක්වා හොරණ ශ්‍රී පාලි මහා විද්‍යාලයේ ආචාර්යවරයකු වශයෙන් කටයුතු
කිරීම.
1975 සිට 1981 දක්වා දෙහිවල මධ්‍ය මහා විද්‍යාලයේ ආචාර්යවරයකු වශයෙන්
සේවය කිරීම. 1959 සිට 1961 අවසානය දක්වා හොරණ විද්‍යාරත්න
විශ්වවිද්‍යාලයේ පිරිවෙනේ ආචාර්ය වරයකු වශයෙන් සේවය කිරීම.
මොරටුව ආසනයේ විහාරාධිපති සංගමයේ සභාපති වශයෙන් කටයුතු කිරීම.
දහම් පාසල් - 1945 සිට 1958 දක්වා අම්බලන්ගොඩ ධර්මාශෝක විද්‍යාලයේ දහම්
පාසලක් පැවැත්වීමෙන් එහි ප්‍රධානාචාර්ය වරයා වශයෙන් ශිෂ්‍ය ශිෂ්‍යාවන්
දහස් ගණනකට ආගමික අධ්‍යාපනයක් ලබාදීම.
වර්ෂ 1987 සිට මේ දක්වා ස්වර්ණමාලි විහාරස්ථ දහම් පාසලේ
ප්‍රධානාචාර්යවරයා වශයෙන් කටයුතු කිරීම.
සටහන -
හේමමාලා රන්දුනු |
