45 වන කොටස
බණ්ඩාර මඩුගල්ලේ
201. ජයං වේරං පසවති - දුක්ඛං සෙති පරාජිතො
උපසන්තෝ සුඛං සෙකි - හිත්වා ජය පරාජයං
ජය පරාජය දෙකෙන් - ඉවත් වූ නිකෙලෙස් හූ - නොමඳ සතුටින් සැපෙන් - ජීවිතය
ගත කරති.
හිතවතුනි, ඔබ ලබන - ජය පරාජය දෙකම - නිසල වූ ජීවිතය- සසල කරවන්නේ ය...
202 නත්ථි රාගසමො අග්ගි - නත්ථි දොස සමො කලී
නත්ථි බන්ධා දිසා දුක්ඛා - නත්ථි සන්ති පරං සුඛං
රාග සම ගිනි ද නැත - දෝස සම කිලිටි නැත - පස් උපදානයට - සම කෙරෙන දුක්
ද නැත. සියලු කෙලෙසුන් නැසූ - පසුව මනසට දැනෙන - අමා මහ නිවන වැනි
වෙනත් සැපයකුත් නැත.
හිතවතුනි, තුන් දොරින් - සුසංවර වූ පසුව - සිතට එන සැනසිල්ල - උතුම් වූ
මහ සැපකි.
203. ජිගච්ජාපරමා රෝගා - සංඛාරාපරමා දුඛා
ඒතං ඤත්වා යථාභූතං - නිබ්බානං පරමං සුඛං
බඩගින්න මහ ලෙඩකි - සංඛාර ලොකු දුකකි - මෙය දැනෙන අම නිවන - පරම වූ
සැපය වේ.
හිතවතුනි, ලෝකයේ - පරම සැප ලබන්නට - කැමැති නම් පළමුවෙන් සුසංවර විය
යුතුය.
204. ආරෝග්‍ය පරමා ලාභා - සන්තුට්ඨි පරමං ධනං
විස්සාස පරමා ඤාති - නිබ්බාණං පරමං සුඛං
ලෝකයේ නිරෝගි බව පරම ලාභයකි - සතුටු සහගත බවද පරම වූ සම්පතකි.
විශ්වාසයද පරම ඤාතියා වන්නේ ය. පරම වූ මහ සැපය - නිවන් සැප වන්නේ ය...
හිතුවතුනි, තුන්දොරින් - සුසංවර තැනැත්තෝ - නිසැකව ම ලෝකයේ මහඟු දේ ලැබ
ගනිති.
මතු සම්බන්ධයි
|
