40 වන කොටස

බුද්ධ වග්ගය

බණ්ඩාර මඩුගල්ලේ

179. යස්ස ජීතං නාවජීයති –
ජීතමස්ස නො යාති කෝචි ලොකෙ
තං බුද්ධමනන්ත ගොචරං - අපදං කෙන පදෙන නෙස්සථ

සියලු කෙලෙසුන් දිනූ - නිමක් නැති නැණින් යුත් – බුදු කෙනෙක් කිසිවකුට කෙසේ රැවටිය හැකි ද?

හිතවතුනි, නැණවත්තු - කිසිවකට නොරැවටෙති. - නොරැවටෙන නැණවත්තු -නොපැරදී ජය ලබති.

180. යස්ස ජාලිනී විසත්තිකා - තණ්හා නත්ථි කුහිංචි නේතවේ.
තං බුද්ධ මනන්ත ගොචරං - අපදං කෙන පදෙන නෙස්සථ

තණ්හා දැලෙන් මිදුණු - අසම සම නැණින් යුත් ලොවුතුරා බුදු කෙනෙක් - කෙසේවත් නො රැවටේ

හිතවතුනි, පළපුරුදු – නැණැත්තෝ ලෝකයේ - කිසිවකට නොරැවටී ජය මගම යන්නෝ ....ය

181. යේ ඣානපසුතා ධිරා -නෙක්ඛම්මුපසමේ රතා
දේවාපි තේසං පිහයන්ති - සම්බද්ධානං සතීමතං

සන්සිදුනු මහ පැණැති - ලොවුතුරා දැහැන් ගත – උතුම් සම්බුදු කෙනෙකු - හැමට පිය වන්නේ ...ය...

හිතවතුනි, සුසංවර – නැණැති සේ දිවි ගෙවන – තැනැත්තෝ අනුන්ගේ සිත් දිනා ගන්නෝ ....ය..

182. කිච්ඡෝ මනුස්ස පටිලාභො - කිච්ඡං මච්ඡාන ජීවිතං
කිච්ඡං සද්ධම්ම සවණං - කිච්ඡෝ බුද්ධානං උප්පාදො

මනු දිවිය දුලබ වේ - සදහම දුලබ වේ – බුදු කෙනෙකු ඉපදීම – වඩාමත් දුලබ වේ.

හිතවතුනි –ගුණ දහම් –රකින්නකු වනු මැනවි – එවිට ඔබ උතුම් වූ දුලබ වූ තැනැත්තෙකි.

183. සබ්බ පාපස්ස අකරණං - කුසලස්ස උපසම්පදා
සචිත්ත පරියෝදපනං - ඒතං බුද්ධාන සාසනං

පව් නොකොට කුසල් කොට - සිත හසුරුවා ගන්න - ලොවුතුරා බුදුන්ගේ අනුශාසනය එයයි.

හිතවතුනි, හොඳ නරක - වෙනස ගැන සලකන්න. ඔබට සහ ලෝකයට යහපතක් කෙරෙනු ඇත.

මතු සම්බන්ධයි