බණ්ඩාර මඩුගල්ලේ

176 ඒකං ධම්මං අතීතස්ස -
මුසාවාදිස්ස ජන්තුනො
විතිණ්ණ පරලෝකස්ස -
නත්ථි පාපං අකාරියං

ගුණ දහම් නොසලකා, බොරු කියන දුදනකුට, ලෝකයේ නොකළ හැකි, පාපයක් නැත්තේ...ය....
හිතවතුනි, බොරු කියන, දනන්ගෙන් වෙන් වන්න, ඔවුහු මේ ලෝකයට විපත් ගෙන දෙන්නේ...ය...

177 න වෙ කදරියා දේවලොකංවජන්ති –
බාලා හවේ නප්පසංසන්ති දානං
ධිරො ච දානං අනුමොදමානො -
තෙනෙව සො හොති සුඛි පරත්ථ

මසුරු වූ තැනැත්තෝ, දෙව් ලොවේ නූපදිති, සැදෑනැති තැනැත්තෝ, කිසි දිනෙක දන් නොදෙති, නැණැත්තෝ දන් පුදති. දෙලොවේ ම සැප ලබති. අන්තිමේ අමා මහ නිවන් සම්පත් ලබති.
හිතවතුනි, ඔබට හැකි පමණකින් දන් දෙන්න. එවිට මේ ලෝකයා ඔබට හිස නමනු ඇත.

178 පථව්‍යා එක රජ්ජේන -
සග්ගස්ස ගමනේන වා
සබ්බ ලෝකාධිපච්චේන -
සෝතාපත්ති ඵලං වරංති

මනු ලොවෙත් දෙව් ලොවෙත්, රජ පදවියට වඩා, සෝවාන් මග ඵලින්, සැනසීම උතුම් වේ.
හිතවතුනි, ධනයකින්, හිතට සැනසුම් නොඑයි. තිදොර සංවර වුණොත් සැනසීම අත ළඟය....

මතු සම්බන්ධයි