දඹදිව වස් විසීම්

දඹදිව සියලුම සිද්ධස්ථානයන්හි වස් සමාදන්වීම් කටයුතුª ඉන්දියානු මහාබෝධි සමාගමේ මහාලේකම්, භාරතයේ ප්‍රධාන සංඝනායක ආචාර්ය දොම්ගොඩ රේවත නාහිමියන්ගේ් අනුශාසනා පරිදි සිදුකිරීමට කටයුතු යොදා ඇත. සම්පූර්ණ වස් තුන් මාසය තුළ කල්කටාවේ ශ්‍රී ධර්මරාජික චෛතිය විහාරයේ ශ්‍රී‍්‍ර ලංකාවාසී භික්ෂූන් වහන්සේලා පස්නමක් වස් සමාදන්වන අතර ගිලන්පස බුද්ධපූජා ධර්මදේශනා වලට අමතරව ත්‍රිපිටක සජ්ක්‍ධයනාව ද සිදුකෙරේ. මෙම වර්ෂයේ වස් ආරාධනාව සිදුකරනු ලබන්නේ කෝට්ටේ බැද්දගාන වෙහෙරකන්ද පාරේ එන්. ඒ. දේවිකා කරුණාත්රන මහත්මිය ඇතුළු පවුලේ සැම විසිනි. කල්කටාවේ ධර්මරාජික විහාරයේ පහත නම් සඳහන් භික්ෂූන් වහන්සේලා වස් සමාදන් වීමට නියමිතව ඇත. තිනිපිටිගම පියදස්සි, හපුතලේ විමලධම්ම, ඉදුල්ගොඩකන්දේ ඤානානන්ද, කදුරුවාවේ වජිරවංශ, එගොඩබැද්දේ උපරතන යන හිමිවරු වේ.

බුද්ධගයා මධ්‍යස්ථානයේ පැලන්වත්තේ් සීවලි හිමි, මල්මඩුවේ ධම්මකිත්ති හිමි, ඇල්. දේවානන්ද හිමි, කහටගස්දිගිලියේ මේධංකර හිමි, ගෝමරන්කඩවල හේමරතන හිමි, රඹුක්කන සුගතවංශ හිමි යන භික්ෂූන් වහන්සේලා වස් සමාදන් වීමට නියමිත අතර මෙවර වස් ආරාධනා කරනු ලබන්නේ කඩවත රංජිත් කරුණාරත්න මහතා ඇතුළු පවුලේ සැම විසිනි.

ඉන්දීය මහාබෝධි සමාගමේ ලුම්බිණි මධ්‍යස්ථානයේ කිරිගල්වැවේ වනරතන හිමියන් රතනපිටියේ නේමින්ද යන භික්ෂූන්වහන්සේලා වස් සමාදන් වන අතර නවදිල්ලි මධ්‍යස්ථානයේ මානියම්ගම නන්දසිරි හිමියන් වස් සමාදන්වනු ඇත. ඔරිස්සා මධ්‍යස්ථානයේ ගස්පේ සද්ධාතිස්ස හිමියන් ද ලක්නවු හි ගලගෙදර ප්‍රඥානන්ද හිමියන් මෙවර වස් සමාදන් වීමට නියමිතය. වස් තුන් මාසය තුළ සියලුම මධ්‍යස්ථානයන්හි, ධර්ම දේශනා, භාවනා, ශීල සමාදන් කටයුතු ආදි පින්කම් රාශියක් සිදුකිරීමට විධි විධාන යොදා ඇත.