බෞද්ධාලෝක වෙසක් තෙමඟුල
2554 වන බෞද්ධාලෝක වෙසක් තෙමඟුල මේ වසරේ 09 වරටත් අති උත්කර්ෂවත්
අන්දමින් සැමරීමට සමස්ත ලංකා බෞද්ධ මහා සම්මේලනය සියලු කටයුතු සූදානම්
කර ඇත. එහි ආරම්භක පියවර ලෙස මූලික සාකච්ඡාවක් පසුගියදා ආගමික කටයුතු
අමාත්‍ය පණ්ඩු බණ්ඩාරනායක ඇමතිතුමා සහ සමස්ත ලංකා බෞද්ධ මහා සම්මේලනයේ
සභාපති ජගත් සුමතිපාල මහතා අතර, සම්මේලනය මූලස්ථානයේදී පැවැත්විණි. මේ
සඳහා 2554 වන බෞද්ධාලෝක වෙසක් කමිටුවේ සභාපති – රංජිත් ඒකනායක ලේකම්,
උපුල් රූපසිංහ සහ පසුගිය වර්ෂ 08 පුරාවට වෙසක් උත්සවය වෙනුවෙන්
අනුග්‍රහය ලබාදුන් ආයතනද සහභාගි වුණි. 2010 මැයි මස 27 දිනට යෙදෙන
වෙසක් පොහෝ දින කොළඹ 07 බෞද්ධාලෝක මාවතේ සම්මේලන මූලස්ථානයේදී
ප්‍රතිපත්ති පූජාවන්ට මුල්තැන දෙමින් සිල් සමාදන් වැඩසටහන් සහ සර්වඥ
ධාතු ප්‍රදර්ශණය පැවැත්වීමටත් මැයි මස 28,29,30 යන දින වල පහන් කූඩු,
වෙසක් තොරණ,භක්ති ගී සංදර්ශන, චිත්‍ර ප්‍රදර්ශන, ඡායාරූප ප්‍රදර්ශන,
ධම්මපද ගායනා යනාදිය පැවැත්වීමටත් මෙහිදී සාකච්ඡා වූ අතර ආගමික කටයුතු
අමාත්‍යංශයේ අනුග්‍රහය මත සමස්ත ලංකා බෞද්ධ මහා සම්මේලනය එම උත්සවය
සංවිධානය කරනු ඇත. |
