බෝලියද්දේ මේධානන්ද නා හිමි ගුණ සමරා ලේ දන් දීමක්

බදුල්ල මයිලගස්තැන්න බෝධිරුක්ඛාරාමධිපතිව වැඩ සිට අපවත් වී වදාළ බෝලියද්දේ මේදානන්ද නාහිමිපාණන් වහන්සේගේ දහ වන ගුණානුස්මරණ පින්කම වෙනුවෙන් ලේ දන්දීමේ පින්කම සැප්තැම්බර් මස 04 වැනි දින දවස පුරාම විහාරස්ථානයේදී පැවැත්වේ.

වසරින් වසර ලේ පරිත්‍යාගශීලීන් වැඩි කරගැනීමට විහාරාධිපති වතුපිටියේ ඤාණානන්ද නායක ස්වාමීන් වහන්සේත්, විහාරස්ථ දායක සභාව, මහා ප්‍රජාපතී කාන්තා සමිතිය මහත් කැපවීමක් කර ඇත.

ලේ පරිත්‍යාගශීලීන්ගේ ඉදිරිපත් වීම අගය කරනු සඳහා මෙම වර්ෂයේ බදුල්ල මුතියන්ගන විහාරස්ථානයේදී ඔවුන්ව පිලිගෙන දර්ශණීය පෙරහරකින් මයිලගස්තැන්න විහාරස්ථානයට කැඳවාගෙන යෑමට දායක දායිකාවෝ සංවිධානය වෙමින් සිටිති.