රාගම වල්පොල පොසොන් පෙරහර 6 දා
රාගම වල්පොල ශ්‍රී විමලරත්නාරාම විද්‍යා නිවාස මහ පිරිවෙන්
විහාරාස්ථානය කේන්ද්‍ර කොටගත් ශ්‍රී බාලාභිවෘද්ධිවර්ධන සමිතිය මගින්
අසූ එක් වන වරටත් පවත්වන ඓතිහාසික පොසොන් මහා පෙරහර ,ජුනි 6 වන දා
මෙවරත් අත්‍යාලංකාරයෙන් පැවැත්වෙයි. 1928 දී පළමුව ඇරැඹුණු එම පෙරහර
වසරෙන් වසර නවාංග එකතු වෙමින්, මේ වන විට මහජන ප්‍රසාදය දිනාගෙන මහ
පෙරහරක් බවට පත්ව ඇත. එම පෙරහර උඩරට, පහතරට , සබරගමු සංස්කෘතිකාංගවලින්
හා අලි ඇතුන්ගෙන් සමන්විත දර්ශනීය හෙරහරකි.
පණ්ඩිත කළුගල සෝරත නා
හිමියන්ගේ අනුශාසනා පරිදි පැවැත්වෙන මෙම පෙරහරට ධීවර හා ජලජ සම්පත්
අමාත්‍ය ෆීලික්ස් පෙරේරා මහතා ගේ පූර්ණ අනුග්‍රහය ද ලැබෙන අතර ජාඇළ
ප්‍රාදේශීය සභාව, නගර සභාව, ප්‍රදේශයේ ව්‍යාපාරික ප්‍රජාව, පාසල්, දහම්
පාසල් සහ ස්වේච්ඡා සංවිධාන වලද අනූපමේය සහයෝගය ලැබෙයි. |
