‘සුධාරක’ ගිහි ධර්ම දූත සේනාංකයට ඉල්ලුම්පත් කැඳවයි

බොහෝ ගම්මානවල පන්සල් පාළු වී ගොස් ඇති බැවින්ද, ගම්මාන මට්ටමේ අති විශාල සදාචාරාත්මක පිරිහීමක් ඇති වී ඇති බැවින් ද, ඒ අඩුව පිරිමසාලීම සඳහා ධර්මයට කැපවූ ‘සුධාරක’ නමින් ගිහි ධර්මදූත ව්‍යාපාරයක් ගොඩනැඟීමට ‘සදහම් සෙවණ’ ධර්මායතනය තීරණය කර ඇත.

ඒ අනුව වයස අවු. 18 ට වැඩි තරුණ, වැඩිහිටි පිරිස් වලට මේ හා සම්බන්ධවීමට ආයාචනා කෙරේ. ඒ සඳහා පළමු අදියර ලෙස මාසික නේවාසික පුහුණුවක් ලබාදීමට සැලසුම් කර ඇත.

බෞද්ධ භාවනා ක්‍රම, පිරිත් සජ්ඣායනා, ආගමික වතාවත් ඉටු කිරීම, මත්ද්‍රව්‍ය භාවිතයෙන් මුදාගෙන සදාචාරාත්මක සමාජයක් ඇතිකරලීම, ජනතාව තුළ සාමූහිකත්වය ගොඩනැඟීම, ඉලක්ක කරගෙන මෙම පුහුණුව පැවැත්වේ.

ඒ අනුව සරළ දිවි පෙවෙතකින් යුතු, සොබාදහමට ආදරය කරනා පරහිතකාමී ආකල්පයන්ගෙන් පිරි කුසලතා සම්පන්න ජනතාවගේ දුක් දොම්නස් වලට සංවේදී තැනැත්තෙකු බිහිකිරීමට අපේක්‍ෂා කෙරේ.

මෙවැනි ගැඹුරු හැඟීමක් ඇති කෙනෙකුගේ විවාහ ජීවිතය ධර්මදූත ව්‍යාපාරය හා එක්වීමට බාධාවක් නොවේ. සුධාරක ධර්මදූත සේනාංකයේ පළමු කණ්ඩායමට ස්වේච්ඡාවෙන් එක්වීමට නොවැ. 10 දාට පෙර ඔබත් නොපමාව අයදුම් කරන්නැයි ඉල්ලයි.

අයදුම් කළ යුතු ලිපිනය, ලේකම්, සුධාරක ගිහි ධර්මදූත සේනාංකය, සදහම් සෙවණ, ගෝතමී උයන, ඔබේසේකරපුර, රාජගිරිය, වේ. දුරකථන – 011 2882198 වේ.

මෙහෙයවීම – ආචාර්ය ඕමල්පේ සෝභිත හිමි, මුදලක්කුලියේ රතනජෝති හිමි, බඳගිරියේ සෝමවංශ හිමියන් සහ අතුරලියේ රතන හිමියන් විසිනි.