බුදු පුතු මවුපිය උපහාර උළෙලක් අලව්වේ දී

අලව්ව විශේෂ,
ඒ.කීර්තිසිංහ

අලව්ව ප්‍රාදේශීය ශාසනාරක්‍ෂක බල මණ්ඩලයට අයත් විහාරස්ථාන හැට පහක් මුල්කරගෙන බුදුපුතු මවුපිය උපහාර පිදීමේ උත්සවයක් අලව්වේ දී පැවැත්වීමට අවශ්‍ය මූලික සාකච්ඡාවක් පසුගියදා අලව්වේ දී පැවැත්විණි.

එම බුදුපුතු මවුපිය උපහාර උළෙල අලව්වේ නුගවෙල සෝනුත්තර විහාරස්ථානයේ දී නොවැම්බර් මස 15 වන දා පැවැත්වීමට තීරණය කැරිණි.

අලව්ව ශ්‍රී පුෂ්පාරාමයේ සිට මහා සංඝයා වහන්සේ තම මවුපිය දෙදෙනා සමග පෙරහරින් සෝනුත්තර විහාරස්ථානය දක්වා වැඩමවා ගෙන යනු ලැබේ. ඊට වැඩම කරන මහා සංඝරත්නය උදෙසා දවල් දානයද ගිහි පිරිසට දිවා ආහාරයද සැපයේ. උපහාර උළෙල සංවිධානය කිරීම සඳහා නුගවෙල ශ්‍රී සෝනුත්තර විහාරාධිපති පණ්ඩිත කෝන්වැවේ සිරිසුමන හිමියන්ගේ ප්‍රධානත්වයෙන් සංවිධායක කමිටුවක්ද පත්කර ගන්නා ලදී.