සිළුමිණ පුවත්පත සඳහා තනූජා ධර්මපාල ලේඛිකාව කිරිබත්ගොඩ ඤාණානන්ද හිමියන් සමඟ පැවැත් වූ ධර්ම සාකච්ඡා ලිපි පෙළ ඇසුරින් මුද්‍රිත සදහම් සිත්මල් යාය – 1 කෘතිය දොරට වැඩීමේ උත්සවය පසුගිය දා කොළඹ බෞද්ධ මහා සම්මේලන ශාලාවේ දී පැවැත්විණි. එහිදී එම ලේඛිකාව කෘතියේ මුල් පිටපත කිරිබත්ගොඩ ඤාණානන්ද හිමියන් වෙත පිළිගැන්වූ අවස්ථාව
ඡායාරූපය – මහින්ද විතානාච්චි

ශ්‍යාමෝපාලි මහා නිකායේ මල්වතු මහා විහාර පාර්ශ්වයේ උතුරු මධ්‍යම දිසාවේ ප්‍රධාන සංඝනායක අටමස්ථානාධිපති ආචාර්ය පල්ලේගම සිරිනිවාස නා හිමියන් සහ නුවර කලාවිය ප්‍රධාන සංඝනායක ස්වර්ණපාලි චෛත්‍යරාමාධිපති පල්ලේගම හේමරතන නාහිමියන්ගේ පැවිදි දිවියට වසර හතළිහක් සපිරීම නිමිත්තෙන් ස්වර්ණමාලි මහ සෑ රදුන් අබියසදී පින්කම් මාලාවක් පැවැත්විණි. ශ්‍යාමෝපාලි මහා නිකායේ මල්වතු මහා විහාර පාර්ශ්වයේ අනුනායක නියංගොඩ විජිතසිරි අනු නා හිමියන් විසින් එහිදී පැවැති සංඝගත දක්‍ෂිණාවේදී අනුශාසනාව සිදු කළ අවස්ථාව සහ පැන් වැඩීම සිදුකැරුණු අයුරු සේයාරුවෙන් දිස්වේ.
වෝල්ටර් දයාරත්න අනුරාධපුර දිසා විශේෂ