සියම් මහා නිකායේ ශ්රී රෝහණ සංඝ සභාවේ වාර්ෂික
උපසම්පදා උළෙල
මැයි 08-11 දක්වා මාතර දී
මාතර මධ්යම - ඒ.ඩබ්ලිව්. ගුණවර්ධන
සියම් මහා නිකායේ ශ්රී රෝහණ සංඝ සභාවේ වාර්ෂික උපසම්පදා පුණ්ය
මහෝත්සවය මැයි මස 08 වනදා සිට 11 වනදින දක්වා මාතර නගරයේ කොටුවේගොඩ,
පරෙයිදුව, රන්දුපත ශ්රී රෝහණ සංඝ සභා මූලස්ථානයේදී පැවැත්වේ.
උපසම්පදා මහෝත්සවය මැයි මස 08 වැනිදින ආරම්භ කෙරෙන අතර එදින ශ්රී රෝහණ
සංඝ සභා මූලස්ථානයේ පරෙයිදුව, රන්දූපතට පිවිසෙන නව මගී පාලම විවෘත
කිරීමද සිදුකෙරේ. ශ්රී මහා බෝධීන් වහන්සේගේ බෝධි අංකුරයක්ද එහිදී
රෝපණය කිරීමට නියමිතය. රුහුණු විශ්ව විද්යාලයේ කුලපති සාහිත්යශූරී
අත්තුඩාවේය ශ්රී රාහුල සියම් මහානිකායේ ශ්රී රෝහණ පාර්ශ්වයේ
මහනාහිමියන්ගේ ප්රධානත්වයෙන් එදින පැවැත්වෙන උත්සවයේදී සමාජ, ආර්ථික,
හා ශාසනික යන විවිධ සේවාවන්හි නිරත පැවිදි හා ගිහි උතුමන්ට ගෞරවනාම
පිරිනැමිමද මාහිමියන් අතින් සිදු කෙරේ.
උපසම්පදා අපේක්ෂිත හිමිවරුන් උපසම්පදා ශීලයේ පිහිටුවීම මැයි මස 9 දා
සිට 11 වැනිදා දක්වා සිදු කෙරේ. මෙම වසරේදී උපසම්පදාව ලැබීම සඳහා
සුදුසුකම් සම්පූර්ණ කර ඒ සංඝ සභාවේ උපසම්පදා අපේක්ෂිත සාමණේර හිමිවරුන්
සිය ආචාර්ය උපාධ්යාය හිමිවරුන් මගින් ලේඛකාධිකාරි පන්ථාරාම, පුරාණ
විහාරය, පහළ පීක්වැල්ල, මාතර, යන ලිපිනයට ලියා දැන්වීමෙන් අයදුම්පත්
ලබාගත හැකි බව ලේඛකාධිකාරි ගතාරේ ධම්මපාල අනුනාහිමියෝ දන්වා සිටිති. |