සිරි දළදා මැඳුරේ අලුත් සහල් මංගල්‍යය දුරුතු පෝදා
කේ. බණ්ඩාරනායක
මහනුවර ශ්‍රී දළදා මාලිගාවේ අලුත්සහල් මංගල්‍ය දුරුතු පුර පසළොස්වක
පෝදින පැරැණි චාරිත්‍රානුකූලව සුබ මොහොතින් සිදු කෙරේ.
සුබ නැකතට අනුව අලුත් සහල් පල්ලේකැලේ අටුවෙන් ගෙනවිත් නැකැත් අනුව
ශ්‍රී දළදා මාලිගාවේ අටුකොටු වල තැන්පත් කර එයින් පිසින ලද ප්‍රනීත
ආහාර වලින් යුත් බුද්ධ පූජාව එදින උදේ සුබ මොහොතින් ශ්‍රී දළදා සමිඳු
වෙත පූජා කිරීම සිදුකෙරෙනු ඇත.
එදිනම අනෙකුත් විහාරස්ථාන ප්‍රධාන මහනුවර සතරදේවාල ඇතුළු දේවාලවලද එම
සුබ වේලාවට අලුත් සහලින් පිසින ලද පූජාව බුදුරජාණන් වහන්සේ ප්‍රධාන
දෙවියන් වෙනුවෙන් පවත්වනු ඇත.
වර්ෂයේ ශ්‍රී දළදා මාලිගාවේ දී ශ්‍රී දළදා සමිඳු උදෙසා පවත්වනු ලබන සතර
මංගල්‍යයන්ගෙන් වර්ෂයේ මුලට යෙදෙන දුරුතු පුර පසළොස්වක පෝදින අලුත්
සහල් මංගල්‍යයද, අප්‍රේල් මාසයට (බක්) යෙදෙන අවුරුදු මංගල්‍යයද, ඇසැළ
හෝ නිකිණි මාසයට යෙදෙන ඇසැළ පෙරහර මංගල්‍යයද නොවැම්බර් මාසයට (ඉල්)
යෙදෙන ඉල්පුර පෝදින කාර්තික මංගල්‍යයද වේ. |
